મુંબઇ તા.૮: હિંદી અને મરાઠી સિનેમાના દિગ્‍ગજ અભિનેતા નાના પાટેકરનું નિધન થયું છે. અહેવાલો મુજબ, ૭૫ વર્ષીય અભિનેતાને ગુરુવારે સવારે તેમના ગોવા સ્‍થિત નિવાસસ્‍થાને ગંભીર કાર્ડિયક એરેસ્‍ટ આવ્‍યો હતો. ત્‍યારબાદ તેમને તાત્‍કાલિક હોસ્‍પિટલ લઈ જવામાં આવ્‍યા હતા, પરંતુ ડોક્‍ટરો તેમને બચાવી શક્‍યા નહોતા. તેમને સવારે લગભગ ૫:૨૦ વાગ્‍યે મૃત જાહેર કરવામાં આવ્‍યા હતા.

નાના પાટેકરને બોલિવૂડના સૌથી કુશળ કલાકારોમાં ગણવામાં આવતા હતાં. પરંતુ શું તમે તેમની સૌથી વધુ કમાણી કરનારી ફિલ્‍મો વિશે જાણો છો? નાના પાટેકરની સૌથી વધુ કમાણી કરનારી ફિલ્‍મોની યાદીમાં ટેક્‍સી નંબર ૯૨૧૧ થી લઈને અપહરણ સુધીની ફિલ્‍મો સામેલ છે.

વેલકમ બેક

નાના પાટેકરની વર્ષ ૨૦૧૫માં આવેલી ફિલ્‍મ વેલકમ બેકએ બોક્‍સ ઓફિસ પર વિશ્વભરમાં ૧૬૭ કરોડ રૂપિયાનું કલેક્‍શન કર્યું હતું. ફિલ્‍મનો પહેલો ભાગ પણ સુપરહિટ રહ્યો હતો, જેના પછી પ્રેક્ષકો તેના ભાગ-૨ની આતુરતાથી રાહ જોઈ રહ્યા હતા.

રાજનીતિ

વર્ષ ૨૦૧૦માં રિલીઝ થયેલી રણબીર કપૂરની મલ્‍ટીસ્‍ટારર ફિલ્‍મ રાજનીતિ પણ લોકોને ખૂબ પસંદ પડી હતી. ફિલ્‍મમાં નાના પાટેકરનો મહત્‍વનો રોલ હતો અને આ ફિલ્‍મનું વર્લ્‍ડવાઈડ કલેક્‍શન ૧૪૯ કરોડ રૂપિયા રહ્યું હતું.

વેલકમ

નાના પાટેકરની ફિલ્‍મ વેલકમ વર્ષ ૨૦૦૭માં આવી હતી. આ ફિલ્‍મે બોક્‍સ ઓફિસ પર ૧૧૭ કરોડ ૯૧ લાખ રૂપિયાનો બિઝનેસ કર્યો હતો.

પાઠશાળા

નાના પાટેકરની હિટ ફિલ્‍મોની યાદીમાં વર્ષ ૨૦૧૦માં રિલીઝ થયેલી પાઠશાળા પણ સામેલ છે. આ ફિલ્‍મનું વર્લ્‍ડવાઈડ કલેક્‍શન ૩૨ કરોડ ૩૫ લાખ રૂપિયા રહ્યું હતું.

ટેક્‍સી નંબર ૯૨૧૧

જોન અબ્રાહમ સાથે આવેલી નાના પાટેકરની ફિલ્‍મ ટેક્‍સી નંબર ૯૨૧૧ પણ ખૂબ પસંદ કરવામાં આવી હતી. ફિલ્‍મનું કુલ બોક્‍સ ઓફિસ કલેક્‍શન ૩૧ કરોડ ૬૧ લાખ રૂપિયા રહ્યું હતું.

અપહરણ

જો નાના પાટેકરનો શ્રેષ્ઠ અભિનય જોવો હોય તો ૨૦૦૫માં આવેલી ફિલ્‍મ અપહરણ ચૂકવી ન જોઈએ. આ ફિલ્‍મની કુલ કમાણી ૨૨ કરોડ ૬૨ લાખ રૂપિયા રહી હતી.

અગ્નિસાક્ષી

વર્ષ ૧૯૯૬માં રિલીઝ થયેલી અગ્નિસાક્ષી પણ આ યાદીનો ભાગ છે. આ ફિલ્‍મે તે જમાનામાં પણ કુલ મળીને ૨૭ કરોડ ૬૧ લાખ રૂપિયાનું કલેક્‍શન કર્યું હતું