તાજેતરમાં સાણંદ ખાતે ભારતના સેમિ. કન્‍ડકટર આત્‍મ નિર્ભરતા અભિયાનને નવી ઉંચાઇ આપનારી સીજી સેમી એએસએટી ફેસિલીટીનું લોકાર્પણ વડાપ્રધાન શ્રી નરેન્‍દ્રભાઇ મોદીના હસ્‍તે કરવામાં આવ્‍યુ હતું. આ તકે અમદાવાદ એરપોર્ટ ખાતે ગુજરાત રાજયના વન અને પર્યાવરણ મંત્રી શ્રી અર્જુનભાઇ મોઢવાડિયાએ નરેન્‍દ્રભાઇ મોદીને આવકાર્યા હતા. ખુશખુશાલ નજરે પડયા હતા. આ તકે પ્રદેશ ભાજપ અધ્‍યક્ષ શ્રી જગદીશભાઇ વિશ્વકર્મા, કૃષિ મંત્રી શ્રી જીતુભાઇ વાઘાણી, આરોગ્‍ય મંત્રીશ્રી પ્રફુલભાઇ પાનશેરીયાએ પણ વડાપ્રધાન શ્રી નરેન્‍દ્રભાઇ મોદીને આવકાર્યા હતા. જે તસ્‍વીરમાં નજરે પડે છે. આ તસ્‍વીરો વન અને પર્યાવરણ મંત્રી શ્રી અર્જુનભાઇ મોઢવાડિયાએ ફેસબુક-સોશ્‍યલ મિડીયા ઉપર શેર કરી છે.