છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
નરેન્દ્રભાઈની ગુજરાતને બે નવી ટ્રેનની ભેટ
સાબરમતીથી વારાણસી વચ્ચે નવી દૈનિક સુપરફાસ્ટ એક્સપ્રેસ ટ્રેન અને મહેસાણા-બેચરાજી-સાબરમતી વચ્ચે નવી MEMU ટ્રેનનો સમાવેશ
ડીસાઃ ગુજરાતના રેલવે મુસાફરો માટે વડાપ્રધાન નરેન્દ્રભાઈ મોદીએ આજે વીડિયો કોન્ફરન્સિંગના માધ્યમથી ૨ નવી રેલવે સેવાઓની ભેટ આપી હતી. જેમાં સાબરમતીથી વારાણસી વચ્ચે નવી દૈનિક સુપરફાસ્ટ એક્સપ્રેસ ટ્રેન અને મહેસાણા-બેચરાજી-સાબરમતી વચ્ચે નવી MEMU ટ્રેનનો સમાવેશ થાય છે. આ બંને સેવાઓ શરૂ થવાથી ગુજરાતમાં રેલવે કનેક્ટિવિટી વધુ મજબૂત બનશે અને મુસાફરોને અવરજવર માટે નવી સુવિધા મળશે. ખાસ કરીને ગુજરાતથી ઉત્તર પ્રદેશ જવા માંગતા મુસાફરો માટે સાબરમતી-વારાણસી ટ્રેન ઉપયોગી સાબિત થઈ શકે છે.
નરેન્દ્રભાઈ મોદીએ ટ્રેન નંબર ૦૯૪૦૫ સાબરમતી-વારાણસી સુપરફાસ્ટ એક્સપ્રેસને વીડિયો કોન્ફરન્સિંગ દ્વારા લીલી ઝંડી આપી પ્રસ્થાન કરાવેલ. આ નવી ટ્રેન સેવા ગુજરાત અને ઉત્તર પ્રદેશ વચ્ચે સીધી રેલવે કનેક્ટિવિટીનો વધુ એક વિકલ્પ પૂરો પાડશે. મળેલી માહિતી પ્રમાણે, ટ્રેન સાબરમતી રેલવે સ્ટેશનથી દરરોજ સવારે ૧૦:૩૦ કલાકે વારાણસી જવા માટે ઉપડશે અને બીજા દિવસે સવારે ૧૧:૪૦ કલાકે વારાણસી પહોંચશે.
આ રીતે મુસાફરોને લાંબા અંતરની મુસાફરી માટે નવી દૈનિક ટ્રેન ઉપલબ્ધ થશે. ખાસ કરીને વારાણસી અને તેની આસપાસના વિસ્તારોમાં જવા માંગતા ગુજરાતના મુસાફરોને આ સેવાનો લાભ મળશે. ધાર્મિક, સામાજિક અને વ્યવસાયિક હેતુસર મુસાફરી કરતા લોકો માટે પણ આ ટ્રેન મહત્વપૂર્ણ બની શકે છે. સાબરમતી-વારાણસી એક્સપ્રેસ ઉપરાંત નરેન્દ્રભાઇએ મહેસાણા-બેચરાજી-સાબરમતી વચ્ચે શરૂ થનારી નવી પ્ચ્પ્શ્ ટ્રેનને પણ લીલી ઝંડી આપી હતી.આ સેવા ઉત્તર ગુજરાતના મુસાફરો માટે મહત્વપૂર્ણ સાબિત થઈ શકે છે.
મહેસાણા, બેચરાજી અને અમદાવાદ-સાબરમતી વચ્ચે નિયમિત અવરજવર કરતા નોકરિયાતો, વિદ્યાર્થીઓ, વેપારીઓ અને અન્ય મુસાફરોને નવી ટ્રેન સેવાનો લાભ મળશે. ખાસ કરીને બેચરાજી ઔદ્યોગિક વિસ્તાર સાથે જોડાયેલા લોકોને રેલવે પરિવહનનો વધુ એક વિકલ્પ મળશે. નવી MEMU સેવા શરૂ થવાથી સ્થાનિક સ્તરે મુસાફરી વધુ સરળ અને સુવિધાજનક બનાવવાનો પ્રયાસ થશે.
નરેન્દ્રભાઇ દ્વારા લીલી ઝંડી આપવામાં આવેલી આ બંને રેલવે સેવાઓ ગુજરાતના પરિવહન માળખા માટે મહત્વપૂર્ણ ઉમેરો છે. એક તરફ સાબરમતીથી વારાણસી સુધીની દૈનિક ટ્રેન ગુજરાત અને ઉત્તર પ્રદેશ વચ્ચે લાંબા અંતરની કનેક્ટિવિટી વધારશે, તો બીજી તરફ મહેસાણા-બેચરાજી-સાબરમતી MEMU ટ્રેન ઉત્તર ગુજરાતના સ્થાનિક મુસાફરોને રાહત આપશે. આ નવી સેવાઓથી મુસાફરોને વધુ વિકલ્પો મળશે અને રેલવે મારફતે મુસાફરીને પ્રોત્સાહન મળશે. હવે મુસાફરોની નજર આ બંને ટ્રેનોના નિયમિત સંચાલન, સ્ટોપેજ અને સંપૂર્ણ સમયપત્રક પર રહેશે.
(3:01 PM IST)
