છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ઇરાન - અમેરિકા સમજુતીની નવી ફોર્મ્યુલા ઘડાઇ
૭ દિવસમાં ખુલશે હોર્મુઝઃ યુરેનિયમ ત્રીજા દેશને સોંપશે ઇરાન : યુધ્ધ સમાપ્તીનો ધમધમાટઃ સમજુતીનું માળખું સામે આવ્યું: વાટાઘાટો ચાલી રહી હોવાનો ટ્રમ્પનો સ્વીકારઃ દોહામાં થઇ શકે છે સીધી વાતચીત
નવી દિલ્હી તા.૩૧: અમેરિકા અને ઈરાન વચ્ચે ચાલી રહેલા લશ્કરી તણાવને ઉકેલવા માટે રાજદ્વારી પ્રયાસો વધુ તીવ્ર બન્યા છે. બંને દેશો વચ્ચે વાટાઘાટો માટે એક પ્રારંભિક માળખું ઉભરી આવ્યું છે. અલ અરેબિયા ઈંગ્લિશના એક અહેવાલ મુજબ, પ્રસ્તાવમાં હોર્મુઝ સ્ટ્રેટ ખોલવા અને ઈરાનને તેના સમૃદ્ધ યુરેનિયમને દેશમાંથી બહાર મોકલવાની મંજૂરી આપવાની શરતોનો સમાવેશ થાય છે. તે લાંબા ગાળે કરાર સુરક્ષિત અને અસરકારક રહે તે સુનિﾍતિ કરવા માટે ચીનને મુખ્ય ગેરંટી તરીકે સામેલ કરવાનું પણ સૂચન કરે છે. વધુમાં, પ્રસ્તાવ સૂચવે છે કે અમેરિકા અને ઈરાન વચ્ચે સીધી વાતચીત ઈસ્તાંબુલને બદલે કતારની રાજધાની દોહામાં થાય.
અલ અરેબિયા ઈંગ્લિશના અહેવાલ મુજબ, આ પ્રારંભિક માળખામાં જણાવાયું છે કે કરાર થયાના સાત દિવસની અંદર હોર્મુઝ સ્ટ્રેટ આંતરરાષ્ટ્રીય શિપિગ માટે સંપૂર્ણપણે ખુલ્લું મૂકવામાં આવશે. બદલામાં, ઈરાન કાં તો તેના અત્યંત સમૃદ્ધ યુરેનિયમ ભંડારને ત્રીજા દેશમાં મોકલશે અથવા તેના સંવર્ધન સ્તરને સુરક્ષિત મર્યાદામાં ઘટાડશે. જવાબમાં, યુએસ ઈરાની બંદરો પરનો નાકાબંધી હટાવશે અને આર્થિક પ્રતિબંધો હળવા કરશે.
પ્રસ્તાવ સૂચવે છે કે બંને દેશો વચ્ચે પ્રસ્તાવિત રાજદ્વારી વાટાઘાટો ઈસ્તાંબુલને બદલે કતારના દોહામાં યોજાશે. કરારના દરેક પગલાને અમલમાં મૂકતા પહેલા, એક સ્વતંત્ર દેખરેખ તંત્ર બંને પક્ષો દ્વારા લેવામાં આવેલા પગલાંની નિષ્પક્ષ રીતે તપાસ કરશે. આ સુનિﾍતિ કરશે કે કોઈપણ પક્ષ બદલાના પગલાં વિના એકપક્ષીય છૂટછાટ ન આપે. કોઈપણ વિવાદના ઉકેલ માટે મધ્યસ્થી અને ગેરંટી આપનારા દેશોની એક અલગ સમિતિ પણ બનાવવામાં આવશે.
આ દરમિયાન, રાજદ્વારી પ્રવૃત્તિઓ તીવ્ર બની છે. કતારના વડા પ્રધાન અને વિદેશ પ્રધાનના વરિષ્ઠ સલાહકારની આગેવાની હેઠળ એક ઉચ્ચ સ્તરીય પ્રતિનિધિમંડળ તેહરાન પહોંચ્યું છે. ઈરાની સમાચાર એજન્સી IRNA અનુસાર, કતારના રાજદૂતોએ યુએસ ઉપરાષ્ટ્રપતિ જે.ડી. વાન્સનો એક મહત્વપૂર્ણ પત્ર ઈરાની સુરક્ષા અધિકારી મોહસેન રેઝાઈને સોંપ્યો. તેહરાનએ આ સંદેશનું સ્વાગત કર્યું છે, જેમાં વધુ યુએસ હવાઈ હુમલાઓ રોકવા અને શાંતિ માટે રાજદ્વારી માર્ગ શોધવાનો પ્રસ્તાવ છે.
અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું છે કે ઈરાન સાથે વાટાઘાટો ચાલુ છે. જોકે, તેમણે જણાવ્યું હતું કે વોશિંગ્ટન યુદ્ધ સમાપ્ત કરવા માટે ઉતાવળમાં નથી અને ભાર મૂક્યો હતો કે અમેરિકા પાસે સમય છે. ટ્રમ્પે દાવો કર્યો હતો કે તેહરાન વાટાઘાટો કરવા તૈયાર છે અને તે નોંધપાત્ર મુશ્કેલીઓનો સામનો કરી રહ્યો છે. ટ્રમ્પનું આ નિવેદન એવા સમયે આવ્યું છે જ્યારે અમેરિકા અને ઈરાન વચ્ચે મધ્યસ્થી કરી રહેલા પાકિસ્તાને પોતાના પ્રયાસો વધુ તીવ્ર બનાવી દીધા છે. પાકિસ્તાનના આર્મી ચીફ, ફિલ્ડ માર્શલ અસીમ મુનીર, આ મહિને બે વાર ઈરાનની મુલાકાત લઈ ચૂક્યા છે.
દરમિયાન, સાઉદી અખબાર અલ અરેબિયાએ દાવો કર્યો છે કે તેમણે અમેરિકા અને ઈરાન વચ્ચે શાંતિ કરારનો ડ્રાફટ મેળવ્યો છે. તેમાં ઈરાનના સમૃદ્ધ યુરેનિયમને દૂર કરવા અને હોર્મુઝ સ્ટ્રેટને વાણિજ્યિક શિપિંગ માટે ખોલવાની માંગ કરવામાં આવી છે.(૩૮
(10:35 AM IST)
