તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ન્યુયોર્કના મેયર ઝોહરાન મમદાની ગરબા રમ્યાઃ મંદિરમાં દર્શન કરી આશીર્વાદ લીધા
હિન્દુ સમુદાયના લોકોને શુભકામના પાઠવીઃ વિડિયો વાયરલ
વોશિંગ્ટન,તા.૨૧: ન્યૂ યોર્કના મેયર ઝોહરાન મમદાની નવરાત્રી ઉજવણીમાં જોડાયા. તેમણે ન્યૂ યોર્કમાં હિન્દુ સમુદાય સાથે ગરબા લીધા હતા . તેમનો એક વીડિયો ઇન્સ્ટાગ્રામ પર શેર કરવામાં આવી રહ્યો છે, જેમાં તેઓ ગરબા કરતી વખતે ગળામાં સ્કાર્ફ જેવું કપડું પહેરેલા જોવા મળે છે. ત્યારબાદ તેમણે મંદિરની મુલાકાત લીધી અને એક પુજારી પાસેથી આશીર્વાદ મેળવ્યા. મમદાનીનો આ દેખાવ આﾍર્યજનક છે, કારણ કે તેમને સામાન્ય રીતે કટ્ટર ઇસ્લામિક નેતા માનવામાં આવે છે.
ત્રિશા નામના યુઝર દ્વારા ઇન્સ્ટાગ્રામ પર શેર કરાયેલા વિડીયોમાં, મમદાની અન્ય લોકો સાથે ગરબા કરતા જોવા મળે છે. તેઓ ગરબાને અનુરૂપ પોશાક પહેરીને સૂર સાથે સુમેળમાં નાચતા પણ જોવા મળે છે. અન્ય યુઝર, કંડેલ દ્વારા શેર કરાયેલા વિડીયોમાં, મમદાની મંદિરમાં પુજારી પાસેથી આશીર્વાદ મેળવતા જોઈ શકાય છે. આ વિડીયો ક્લિપ્સમાં, મેયર ઝોહરાન મમદાની ભારતીય સમુદાયના સભ્યો સાથે નવરાત્રીની ઉજવણી કરતા જોઈ શકાય છે.
મમદાનીએ નવરાત્રી અને દુર્ગા પૂજા નિમિત્તે હિન્દુ સમુદાયને પણ શુભેચ્છાઓ પાઠવી છે. તેમણે આ સમયને આત્મચિતન અને નવી શરૂઆતનો સમય ગણાવ્યો. મંગળવારે 'X' (ટ્વિટર) પર એક પોસ્ટમાં, તેમણે તહેવારો દરમિયાન હિન્દુ સમુદાયો દ્વારા અનુસરવામાં આવતી વિવિધ પરંપરાઓ પર પ્રકાશ પાડ્યો - ગરબાથી લઈને દેવી દુર્ગાના માનમાં કરવામાં આવતી ધાર્મિક વિધિઓ સુધી.
તેમણે લખ્યું, આ અઠવાડિયે, આપણા હિન્દુ પડોશીઓ નવરાત્રિના તહેવાર દરમિયાન દેવી દુર્ગાની પૂજા કરી રહ્યા છે. આપણા પડોશીઓ ગરબા કરશે, 'સિદૂર ખેલા' દ્વારા દેવી દુર્ગાની પૂજા કરશે, વડીલો પાસેથી ટીકા મેળવશે, 'ગોલુ'થી તેમના ઘરોને સજાવશે અને ઘણું બધું. તેમણે વિવિધ સમુદાયોમાં આ તહેવારો સાથે સંકળાયેલા વિવિધ નામો અને રિવાજોનો પણ સ્વીકાર કર્યો.
ભલે તમારું કુટુંબ તેને દુર્ગા પૂજા, દશૈન, દશેરા કે નવરાત્રી કહે, આ તહેવાર તમને આત્મચિતન અને નવી શરૂઆતનો સમય લાવે, મામદાનીએ કહ્યું. ન્યુ યોર્ક સિટી, ન્યુ યોર્ક રાજ્ય અને યુએસના અન્ય ભાગોમાં, અસંખ્ય હિન્દુ સંગઠનોએ દુર્ગા પૂજા, નવરાત્રી અને અન્ય તહેવારોની ઉજવણી માટે કાર્યક્રમોનું આયોજન કર્યું છે.
(10:35 AM IST)
છેલ્લા 8 દિવસમાં સૌથી લોકપ્રિય 
