*ઈરાન-અમેરિકા કરાર: અંતિમ નિર્ણયની ઘડી

અમેરિકી રાષ્ટ્રપ્રમુખ ટ્રમ્પ ઈરાન સાથે પ્રસ્તાવિત કરાર અંગે વ્હાઈટ હાઉસના વ્યૂહ-ખંડમાં અંતિમ નિર્ણય લેવા બેઠા. ટ્રમ્પે જણાવ્યું કે આ કરાર મુજબ ઈરાન ક્યારેય અણુ હથિયાર નહીં બનાવે, હોર્મુઝ સ્ટ્રીટ ખુલ્લી કરાશે અને સમુદ્રી વિસ્ફોટક સામગ્રી હટાવાશે. ઈરાને ટ્રમ્પના નિવેદનને "સત્ય અને જૂઠ"નું મિશ્રણ ગણાવ્યું. 

 

*ઈરાન પર ફરી હુમલાની અમેરિકી તૈયારી

અમેરિકાના સંરક્ષણ મંત્રીએ ચેતવણી આપી કે જો ઈરાન સાથે કરાર નહીં થાય તો અમેરિકા ઈરાન પર ફરી હુમલો કરશે.

 

*ઈરાનની ૮,૪૦૦ કરોડ રૂપિયાની ક્રિપ્ટો કરન્સી સંપત્તિ જપ્ત

અમેરિકી તિજોરી વિભાગે જણાવ્યું કે ૧ અબજ ડૉલર (આશરે ૮,૪૦૦ કરોડ રૂપિયા)ની ઈરાની ડિજિટલ ચલણ-સંપત્તિ જપ્ત કરવામાં આવી. યુરોપ સાથે મળીને ઈરાનની સ્થાવર મિલ્કત પણ જપ્ત કરવાની તૈયારી. 

 

*ઈઝરાયેલ ગાઝાના ૬૦% વિસ્તાર પર નિયંત્રણ  ધરાવતું થઈ ગયું*

ઈઝરાયેલ ગાઝાના ૬૦% વિસ્તાર પર નિયંત્રણ ધરાવે છે. સંયુક્ત રાષ્ટ્રની બાળ સંસ્થા (યુનિસેફ)એ ચેતવણી આપી કે ઈઝરાયેલ નિયંત્રણ વધ્યું તો ત્યાંના બાળકો માટે પીવાના પાણી, સ્વચ્છતા અને આરોગ્ય સેવામાં ભારે ભીડ પડશે. 

 

*લેબનોન: ઈઝ. હવાઈ હુમલામાં ૮ મૃત્યુ, ઐતિહાસિક ૬૭૦ ડ્રોન છોડ્યા

ઈઝરાયેલે લેબનોન પર એક જ દિવસમાં  ડ્રોન છોડ્યા —એપ્રિલ યુદ્ધવિરામ પછીની સૌથી ભારે બોમ્બ-વર્ષા. ઓછામાં ઓછા ૮ લોકો, જેમાં બાળકો, માર્યા ગયા. સંયુક્ત રાષ્ટ્રે ઊંડી ચિંતા વ્યક્ત કરી. (અનાડોલુ એજન્સી)

 

*રોમાનિયા: રશિયન ડ્રોન ઇમારત પર પડ્યું, ૨ ઘાયલ

રશિયાનું માનવ-રહિત ડ્રોન રોમાનિયાના ગ્લાટ્ઝ શહેરની રહેણાંક ઇમારત પર ટકરાયું. રોમાનિયાએ રશિયાના રાજદૂતને બોલાવ્યા. રશિયાના મેદ્વેદેવે યુ.ઈ. દેશોને "ચૂપ રહો" ની ધમકી આપી.

 

 

*યુક્રેન: રશિયાએ ૪ ઠેકાણા કબ્જે કર્યા, યુક્રેને સ્વચાલિત ડ્રોનથી વળતો ઘા

રશિયાએ છેલ્લા એક અઠવાડિયામાં ૪ વસાહતો કબ્જે કર્યાનો દાવો. યુક્રેન સ્વ-સંચાલિત ડ્રોન વડે રશિયાની સૈન્ય-પુરવઠો લઈ જતા વાહનો, ઈંધણ-ટ્રક અને ખોરાક-પૂરવઠા ઉપર પ્રહારો કરી રહ્યું છે. 

 

*ચીન: ત્રણ અવકાશ-યાત્રી ૨૦૦ દિવસ બાદ ધરતી પર પરત

ચીનના ત્રણ અવકાશ-યાત્રીઓ — ઝ્હાંગ લૂ, વૂ ફેઈ, ઝ્હાંગ હોંગઝ્હાંગ — ચીની અવકાશ-મથક પર ૨૦૦+ દિવસ ગાળ્યા બાદ ઈન્નર મંગોલિયામાં સુરક્ષિત ઉતરાણ. 

 

 

ચીન: ડિજિટલ ચલણનો વ્યાપ વધ્યો

ચીનની કેન્દ્રીય બૅન્ક લોટરી, સરકારી ખર્ચ સહિત અનેક ક્ષેત્રોમાં ડિજિટલ ચલણ વિસ્તારી રહી છે — અમેરિકી ડૉલર સામે ભવિષ્યની નાણાકીય સ્પર્ધાની તૈયારી. 

 

ચીન-કૅનેડા: દસ વર્ષ બાદ ઐતિહાસિક મુત્સદ્દીગીરી

ચીનના વિદેશ મંત્રી ૩ દિવસ માટે કૅનેડા ગયા — એક દાયકામાં આવી પ્રથમ ઉચ્ચ-સ્તરીય મુલાકાત. વડા પ્રધાન માર્ક કૅર્ની સાથે ઉચ્ચ-સ્તરીય ચર્ચા.

 

 

ઝામ્બિયા: ઈબોલાના ૨ શંકાસ્પદ કેસ નેગેટિવ જાહેર

 

ઝામ્બિયાએ ૨ શંકાસ્પદ ઈબોલા કેસ નેગેટિવ જાહેર કર્યા. પડોશી કૉંગો દેશમાં ફાટી નીકળેલ રોગ-ફેલાવાના ભય વચ્ચે ચકાસણી કડક. 

 

 

હજ ૨૦૨૬ સંપન્ન: ૧૭ લાખ+ ઝિયારતી

સઉદી અરેબિયાએ ૨૦૨૬ ના હજ મોસમ સફળ રીતે સંપન્ન જાહેર કર્યો — ૧૭ લાખ+ યાત્રાળુ ઉપસ્થિત. 

 

 

 

શાંગ્રી-લા સંવાદ: અમેરિકાએ કરી ભારતની પ્રશંસા

સિંગાપુરના આ પ્રતિષ્ઠિત સંરક્ષણ મંચ પર અમેરિકી સંરક્ષણ મંત્રીએ ભારતની હિંદ મહાસાગર ક્ષેત્રમાં વધતી સૈન્ય-ઔદ્યોગિક ક્ષમતા અને પૂરવઠો-વ્યવસ્થાની પ્રશંસા કરી. ભારત ક્ષેત્રીય સત્તા-સંતુલન જાળવી રહ્યું છે.