તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રેલવેમાં ફૂડ સપ્લાય કરતી ૧૫ બોગસ વેબસાઇટ્સને નોટિસ
ઓર્ડર આપ્યા છતાં ફૂડ ન મળવાની અથવા હલકી ગુણવત્તાનું ફૂડ મળ્યાની ફરિયાદ મુંબઈમાં સૌથી વધુ
મુંબઈ તા.૧૮: રેલવેના પ્રવાસીઓ સાથે ઈ-કેટરિગના નામે થતી છેતરપિંડી રોકવા માટે ઇન્ડિયન રેલવે કેટરિંગ એન્ડ ટૂરિઝમ કોર્પોરેશન (IRCTC) દ્વારા એક મોટું અભિયાન હાથ ધરવામાં આવ્યું છે. દેશભરમાં ટ્રેનમાં ફૂડ-ડિલિવરી કરતી ૧૫ બનાવટી વેબસાઇટ્સ સામે IRCTCએ કાર્યવાહી શરૂ કરી છે. આ બોગસ પોર્ટલ્સનો ભોગ બનનારાઓમાં સૌથી વધુ સંખ્યા મુંબઈના પ્રવાસીઓની હોવાનું સામે આવ્યું છે.
IRCTCની ઈ-કેટરિગ સર્વિસ ૪૦૦થી વધુ રેલવે-સ્ટેશનોએ ઉપલબ્ધ છે અને દરરોજ સરેરાશ ૧.૫૫ લાખથી વધુ ફૂડ-બુકિંગનું મેનેજમેન્ટ કરે છે જેમાં સૌથી વધુ ફરિયાદ મુંબઈથી મળતી હોવાનું રેલવેએ જણાવ્યું છે. દર મહિને મુંબઈમાંથી આશરે ૪૦૦ જેટલી ફરિયાદ મળે છે જેમાં પ્રવાસીઓએ ઓર્ડર આપ્યા છતાં ભોજન ન મળવું, હલકી ગુણવત્તા અને રીફન્ડ ન મળવા જેવી ગંભીર સમસ્યાનો સામનો કરવો પડ્યો છે. આ મામલે રેલવેએ ગેરકાયદે વેબસાઇટ્સને ફેબ્રુઆરીમાં લીગલ નોટિસ ફટકાર્યા બાદ માર્ચ-એપ્રિલમાં ફરિયાદ દાખલ કરી છે. અધિકારીઓએ ચેતવણી આપી છે કે ‘આ ગેરકાયદે વેબસાઇટ્સ પ્રવાસીઓના પેસેન્જર નેમ રેકોર્ડ (PNR) નંબર, મોબાઇલ-નંબર અને પેમેન્ટની વિગતો જેવા સંવેદનશીલ ડેટા ભેગા કરે છે જે ઓનલાઇન ફ્રોડ અને સાઇબર ગુનાઓનું જોખમ વધારે છે. સાથોસાથ આ ભોજન FSSAiા નિયમોનું પાલન ન કરતા કિચનમાં બનીને આવતું હોવાથી સ્વાસ્થ્ય માટે પણ જોખમી છે.
(10:35 AM IST)
છેલ્લા 8 દિવસમાં સૌથી લોકપ્રિય 
