નવી દિલ્‍હી,તા.૨૧: શું તમારી સાથે પણ એવું બન્‍યું છે કે સવારે ઉઠતાની સાથે જ બેંકનો મેસેજ આવે કે 'પૈસા કપાઈ ગયા' અને તમે વિચારતા રહી જાઓ કે આ પૈસા શેના કપાયા? હવે આવું નહીં થાય. કારણ કે RBI ના નવા નિયમ મુજબ, ઓટો-ડેબિટ થતા પહેલા બેંકે તમારી પરવાનગી અને સૂચના લેવી જ પડશે. હવે બેંક માટે તમારા ખાતામાંથી પૈસા કાપવાના ઓછામાં ઓછા ૨૪ કલાક પહેલા એક નોટિફિકેશન (SMS અથવા ઇમેઇલ) મોકલવું અનિવાર્ય છે. આ મેસેજમાં લખેલું હશે કે આવતીકાલે કેટલી રકમ અને કયા કામ માટે કાપવામાં આવશે. આનાથી તમને પહેલેથી જ ખબર પડી જશે કે ખાતામાં બેલેન્‍સ રાખવું કે નહીં!

ઘણીવાર આપણને યાદ નથી રહેતું કે આજે EMI કપાવવાની છે અને ખાતામાં પૈસા ઓછા હોવાને કારણે બેંક પેનલ્‍ટી (દંડ) ફટકારે છે. હવે જ્‍યારે ૨૪ કલાક પહેલા જ 'એલાર્મ' વાગી જશે, તો તમે સમયસર ફંડ ટ્રાન્‍સફર કરી શકશો. એટલે કે, હવે ન તો ચેક બાઉન્‍સની ટેન્‍શન રહેશે અને ન તો વધારાનો દંડ ભરવો પડશે.

આ નિયમની સૌથી મહત્‍વની વાત એ છે કે જો તમને લાગે કે કોઈ ઓટો-પેમેન્‍ટ ખોટું છે અથવા તમે તેને રોકવા માંગો છો, તો તમે તે નોટિફિકેશન દ્વારા તેને રદ અથવા મોડિફાય પણ કરી શકો છો. બેંક હવે પોતાની મરજીથી પૈસા ઉપાડી શકશે નહીં, એટલે કે તમારી સંમતિ જ અસલી 'માસ્‍ટર કી' હશે.

આ નિયમ તમારા હોમ લોન, કાર લોનની ચ્‍પ્‍ત્‍, વીમા પ્રીમિયમ અને તમારા નેટફિલક્‍સ કે જીમ સબસ્‍ક્રિપ્‍શન જેવા તમામ Recurring Payments પર લાગુ થશે. ૧૫,૦૦૦ રૂપિયાથી વધુના પેમેન્‍ટ માટે તો એડિશનલ ફેક્‍ટર ઓથેન્‍ટિકેશન (AFA) પણ જરૂરી છે.

જો કોઈ બેંક ૨૪ કલાક પહેલા સૂચના આપ્‍યા વગર તમારા પૈસા કાપે છે, તો તમે તેની ફરિયાદ બેંકના લોકપાલ (Ombudsmaઁ)ને કરી શકો છો. RBI એ સ્‍પષ્ટ કરી દીધું છે કે ગ્રાહકોની મરજી વગર એક રૂપિયો પણ અહીં-તહીં થવો જોઈએ નહીં.