નવી દિલ્હી, તા. ૩૧ : મુખ્ય ચૂંટણી કમિશનર જ્ઞાનેશ કુમાર સામે વિરોધ વ્યક્ત કરવા વિપક્ષી ઇન્ડિયા ગઠબંધન દ્વારા શુક્રવારે આયોજિત 'જન મહાભિયોગ' કાર્યક્રમ દિલ્હીમાં સતત વરસાદને કારણે મુલતવી રાખવામાં આવ્યો હતો.

કોંગ્રેસ અધ્યક્ષ મલ્લિકાર્જુન ખડગેના ૧૦, રાજાજી માર્ગ સ્થિત નિવાસસ્થાને આ કાર્યક્રમ યોજાવાનો હતો. હવે આજે ૩૧ ઓક્ટોબરે તે જ સ્થળે કાર્યક્રમ યોજવાની જાહેરાત કરવામાં આવી છે.

વિપક્ષના વિવિધ પક્ષોના આગેવાનો તેમાં ભાગ લેશે અને ચૂંટણી પંચની કામગીરી સામે પોતાના આક્ષેપો રજૂ કરશે. આ કાર્યક્રમ રાજકીય અને પ્રતીકાત્મક છે, બંધારણીય મહાભિયોગની ઔપચારિક પ્રક્રિયા નથી. ઉપરાંત ૧ નવેમ્બરે રામલીલા મેદાન ખાતે વિપક્ષના સંયુક્ત કાર્યક્રમની તૈયારી પણ ચાલી રહી છે.