નવી દિલ્હી :પ્રધાનમંત્રી નરેન્દ્રભાઈ  મોદીએ સ્વિસ રાષ્ટ્રપતિ ગાય પરમેલિન સાથે વાતચીત કરી હતી  બંને નેતાઓએ ભારત-સ્વિટ્ઝર્લૅન્ડ ભાગીદારીને આગળ વધારવાના માર્ગો પર ચર્ચા કરી હતી . આ વાતચીતમાં વેપાર અને રોકાણમાં આર્થિક સહયોગ વધારવા પર ધ્યાન કેન્દ્રિત કરવામાં આવ્યું હતું , ખાસ કરીને ભારત-EFTA કરારને પગલે. સંરક્ષણ ઉત્પાદન, પરમાણુ ઊર્જા, માળખાગત સુવિધા અને ગતિશીલતા જેવા ક્ષેત્રોમાં સહયોગ પર પણ ચર્ચા કરવામાં આવી હતી . બંને નેતાઓએ આરોગ્ય, સ્વચ્છ ઊર્જા, અવકાશ, યોગ અને આયુર્વેદ જેવા ક્ષેત્રોમાં સહયોગને વધુ મજબૂત બનાવવા પર પણ ચર્ચા કરી હતી .