તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
પીએમ મોદી ૧૧-૧૨ ડિસેમ્બરે કેનેડાની મુલાકાત લેશે
કેનેડાના પ્રધાનમંત્રી માર્ક કાર્ને આ વાતની પુષ્ટિ કરી : ભારત અને કેનેડા વચ્ચે સંબંધો સુધારવા અને વેપાર સહયોગ વધારવાના પ્રયાસો તેજઃ બંને દેશો ૨૦૩૦ સુધીમાં વાર્ષિક દ્વિપક્ષીય વેપાર ૭૦ અબજ ડોલર સુધી પહોંચવાનું લક્ષ્ય ધરાવે છે
નવી દિલ્હી,તા.૧૬: ભારત-કેનેડા સંબંધોમાં બરફ પીગળી રહ્યો હોય તેવું લાગે છે. પ્રધાનમંત્રી નરેન્દ્ર મોદી ૧૧ અને ૧૨ ડિસેમ્બરે કેનેડાની મુલાકાત લેશે. કેનેડાના પ્રધાનમંત્રી માર્ક કાર્ને આ વાતની પુષ્ટિ કરી છે. ખાલિસ્તાની અલગતાવાદી હરદીપ સિહ નિજ્જરની હત્યાને કારણે ૨૦૨૩માં બંને દેશો વચ્ચે તણાવ વધ્યો હતો. વેપાર સહયોગ વધારવા અને સંબંધો પુનઃસ્થાપિત કરવાના પ્રયાસો વચ્ચે મોદીની મુલાકાત મહત્વપૂર્ણ માનવામાં આવે છે. બંને દેશોએ ૨૦૩૦ સુધીમાં વાર્ષિક દ્વિપક્ષીય વેપાર ઼૭૦ બિલિયન સુધી વધારવાનો લક્ષ્યાંક રાખ્યો છે.
કેનેડાના વડા પ્રધાન માર્ક કાર્નીના જણાવ્યા અનુસાર, વડા પ્રધાન નરેન્દ્ર મોદી ૧૧ અને ૧૨ ડિસેમ્બરે કેનેડાની મુલાકાત લેશે. તેમણે જણાવ્યું હતું કે વડા પ્રધાન મોદી ટોરોન્ટો અને ઓટાવાની મુલાકાત લેશે. પીએમ કાર્નીએ એમ પણ કહ્યું હતું કે પ્રવાસમાં અન્ય શહેરોનો સમાવેશ કરવાની શક્યતા પર વિચાર કરી શકાય છે.
ભારત અને કેનેડા વચ્ચે સંબંધો સુધારવાના પ્રયાસો વચ્ચે આ મુલાકાત મહત્વપૂર્ણ માનવામાં આવે છે. બંને દેશો આ વર્ષના અંત સુધીમાં વેપાર કરારને અંતિમ સ્વરૂપ આપવા માટે કામ કરી રહ્યા છે. તેમનો ધ્યેય ૨૦૩૦ સુધીમાં દ્વિપક્ષીય વેપાર વાર્ષિક ઼૭૦ બિલિયન સુધી વધારવાનો છે. કેનેડાના આંતરરાષ્ટ્રીય વેપાર પ્રધાન મનિન્દર સિદ્ધુ પણ હાલમાં ભારતની છ દિવસની મુલાકાતે છે. દરમિયાન, કેનેડાના વિદેશ પ્રધાન અનિતા આનંદે બુધવારે નવી દિલ્હીમાં વિદેશ પ્રધાન એસ. જયશંકર સાથે મુલાકાત કરી.
૨૦૨૩માં ખાલિસ્તાની અલગતાવાદી હરદીપ સિહ નિજ્જરની હત્યા બાદ ભારત અને કેનેડા વચ્ચે તણાવ વધ્યો. તત્કાલીન કેનેડાના વડા પ્રધાન જાસ્ટિન ટ્રુડોએ ભારતીય એજન્ટોની કથિત સંડોવણીના આરોપો લગાવ્યા હતા, જેનો ભારતે ઇનકાર કર્યો હતો. બંને દેશોએ છ-છ રાજદ્વારીઓને હાંકી પણ કાઢ્યા હતા. જોકે, માર્ક કાર્ની વડા પ્રધાન બન્યા ત્યારથી, સંબંધો સુધારવા અને વેપાર સહયોગ વધારવા પર ધ્યાન કેન્દ્રિત કરવામાં આવ્યું છે.
(10:21 AM IST)
છેલ્લા 8 દિવસમાં સૌથી લોકપ્રિય 
