સોમનાથ :વડાપ્રધાન નરેન્દ્રભાઈ મોદી સોમનાથ અમૃત મહોત્સવમાં ભાગ લેવા માટે ગુજરાતની મુલાકાતે આવ્યા છે,આ ઉત્સવ ગુજરાતના સોમનાથ મંદિરમાં યોજાઈ રહ્યો છે. આજે જીર્ણોદ્ધાર કરાયેલા સોમનાથ મંદિરની 75મી વર્ષગાંઠ નિમિત્તે એક ખાસ દિવસ છે. મંદિરમાં 11 પવિત્ર તીર્થસ્થળોમાંથી જળ લઈને ખાસ કુંભભિષેક કરવામાં આવશે અને ધ્વજારોહણ સમારોહ પણ થશે. મંદિરમાં આ ભવ્ય કાર્યક્રમ માટે ખાસ તૈયારીઓ કરવામાં આવી છે. પીએમ મોદીના આગમન અને મંદિરમાં યોજાનાર ખાસ કાર્યક્રમને ધ્યાનમાં રાખીને કડક સુરક્ષા વ્યવસ્થા કરવામાં આવી છે.

પીએમ મોદીનો રોડ શો શરૂ થયો છે. મુખ્યમંત્રી ભૂપેન્દ્રભાઈ પટેલ અને નાયબ મુખ્યમંત્રી હર્ષભાઈ  સંઘવી પણ તેમની સાથે વાહનમાં હાજર છે. પીએમ મોદી જનતા તરફથી શુભેચ્છાઓ સ્વીકારી રહ્યા છે.માર્ગમાં ઠેર ઠેર સ્વાગત થઇ રહ્યું છે 

પીએમ મોદી 2 દિવસના ગુજરાત પ્રવાસે છે. તેઓ આજે સોમનાથ મંદિરની મુલાકાત લેશે અને પૂજા કરશે. તેઓ વડોદરામાં અનેક કાર્યક્રમોમાં પણ હાજરી આપશે. પીએમના સ્વાગત માટે ખાસ તૈયારીઓ કરવામાં આવી છે, અને કડક સુરક્ષા વ્યવસ્થા ગોઠવવામાં આવી છે. પ્રધાનમંત્રી વડોદરામાં સરદાર ધામ સંકુલનું ઉદ્ઘાટન પણ કરવાના છે, જેમાં પીએમ મોદી પણ હાજરી આપશે.