નવી દિલ્‍હી તા.૩૦: કોકરોચ જનતા પાર્ટી (CJP) ના વિરોધ પ્રદર્શન દરમિયાન પેલેટ ગનનો ઉપયોગનો મુદ્દો ગરમા ગરમ મુદ્દો બની ગયો છે. કેસની સુનાવણી કરતી વખતે, સુપ્રીમ કોર્ટે એક મહત્‍વપૂર્ણ અવલોકન કર્યું છે. કોર્ટે કહ્યું છે કે પોલીસને પેલેટ ગનનો ઉપયોગ કરવાનો અધિકાર છે.

સુપ્રીમ કોર્ટે કહ્યું છે કે પોલીસને અપવાદરૂપ પરિસ્‍થિતિઓમાં પેલેટ ગનનો ઉપયોગ કરવાનો અધિકાર છે. કાયદો અને વ્‍યવસ્‍થા જાળવવા માટે ધાતુની પેલેટ ગનનો ઉપયોગ પર સંપૂર્ણ પ્રતિબંધ મૂકવાની માંગ કરતી અરજી પર પણ તેણે સવાલ ઉઠાવ્‍યા છે.

સુપ્રીમ કોર્ટે દિલ્‍હી સરકારને વિદ્યાર્થીઓના વિરોધ પ્રદર્શન દરમિયાન પેલેટ ગનના કથિત ઉપયોગથી ઘાયલ થયેલા લોકોને પૂરતી તબીબી સારવાર આપવાનો નિર્દેશ આપ્‍યો છે. કોર્ટે ૨૦ જુલાઈના ઘ્‍થ્‍ભ્‍ વિરોધ પ્રદર્શન દરમિયાન પેલેટ ગનના ઉપયોગની તપાસ કરવાની તૈયારી પણ દર્શાવી છે.

સુપ્રીમ કોર્ટે કેન્‍દ્ર સરકારને NEET પેપર લીક સામે વિદ્યાર્થીઓના વિરોધ પ્રદર્શન દરમિયાન જંતર-મંતર પર તૈનાત ય્‍ખ્‍જ્‍ ના દારૂગોળાના રેકોર્ડ સાચવવાનો નિર્દેશ આપ્‍યો છે.

સુપ્રીમ કોર્ટે ભૂતપૂર્વ કેન્‍દ્રીય માહિતી કમિશનર અને નિવૃત્ત IPS અધિકારી યશોવર્ધન આઝાદ અને બે પીડિતો દ્વારા કાયદો અને વ્‍યવસ્‍થાની પરિસ્‍થિતિઓનો સામનો કરવા માટે ધાતુના પેલેટ ગનના ઉપયોગ પર સંપૂર્ણ પ્રતિબંધ મૂકવાની માંગ કરતી અરજી પર પ્રશ્ન ઉઠાવ્‍યો હતો.

સુપ્રીમ કોર્ટે બ્‍યુરો ઓફ પોલીસ રિસર્ચ એન્‍ડ ડેવલપમેન્‍ટ (BPRD) ની સલાહનો ઉલ્‍લેખ કર્યો હતો જેમાં કહેવામાં આવ્‍યું હતું કે પોલીસને અપવાદરૂપ પરિસ્‍થિતિઓમાં પેલેટ ગનોનો ઉપયોગ કરવાનો અધિકાર છે. ભારતના મુખ્‍ય ન્‍યાયાધીશ સૂર્યકાંત, ન્‍યાયાધીશ જોયમલ્‍યા બાગચી અને ન્‍યાયાધીશ વી. મોહનાની બનેલી બેન્‍ચે વરિષ્ઠ વકીલ વૃંદા ગ્રોવરની દલીલો પર વિચાર કર્યો.

આઝાદે સુપ્રીમ કોર્ટમાં એક અરજી દાખલ કરી છે જેમાં નાગરિક ભીડને વિખેરવા માટે પંપ-એક્‍શન અથવા પ્રોજેક્‍ટાઇલ-એક્‍શન ગનમાંથી સંપૂર્ણ અથવા આંશિક રીતે ધાતુના ગોળીઓ ધરાવતા દારૂગોળાના ઉપયોગ પર દેશવ્‍યાપી પ્રતિબંધ મૂકવાની માંગ કરવામાં આવી છે. તેમનો દલીલ છે કે આવા શષો બળના ઉપયોગ અંગેના બંધારણીય ધોરણોનું પાલન કરતા નથી.(૩૮.૪૬)