નવી દિલ્હી: દેશના સૌથી પ્રતિષ્ઠિત અને સર્વોચ્ચ નાગરિક સન્માનો પૈકીના એક એવા પદ્મ પુરસ્કારો પ્રદાન કરવા માટે આવતીકાલે સોમવારે નવી દિલ્હી ખાતે રાષ્ટ્રપતિ ભવનના ગણતંત્ર મંડપમાં પ્રથમ નાગરિક સન્માન સમારોહનું ભવ્ય આયોજન કરવામાં આવશે આ વિશેષ કાર્યક્રમમાં રાષ્ટ્રપતિ દ્રૌપદી મુર્મુ પોતાના હસ્તે વિવિધ ક્ષેત્રોમાં અસાધારણ અને વિશિષ્ટ યોગદાન આપનાર ૬૬ પસંદગીના મહાનુભાવોને પદ્મ પુરસ્કારોથી સન્માનિત કરશે દેશના વિકાસ અને સમાજ ઉત્થાનમાં મહત્વની ભૂમિકા ભજવનારા નાગરિકોના ગૌરવને વધારવા માટે આ રાષ્ટ્રીય સમારોહ યોજાઈ રહ્યો છે

રાષ્ટ્રપતિ ભવનમાં યોજાનારા આ ઉચ્ચ સ્તરીય અને ગરિમાપૂર્ણ સમારોહમાં દેશના ઉપરાષ્ટ્રપતિ સી. પી. રાધાકૃષ્ણન, પ્રધાનમંત્રી નરેન્દ્રભાઈ મોદી અને કેન્દ્રીય ગૃહમંત્રી અમિતભાઈ શાહ સહિત અનેક રાજકીય, સામાજિક અને અન્ય ક્ષેત્રોના અગ્રણી ગણમાન્ય લોકો ખાસ ઉપસ્થિત રહેશે સોમવારે યોજાનારા આ પ્રથમ તબક્કાના કાર્યક્રમમાં કુલ ૨ પદ્મ વિભૂષણ, ૬ પદ્મ ભૂષણ અને ૫૮ પદ્મ શ્રી પુરસ્કારો એનાયત કરવામાં આવશે આ વર્ષે ૨૦૨૬ ના વર્ષ માટે રાષ્ટ્રપતિ દ્વારા કુલ ૧૩૧ પદ્મ પુરસ્કારોને મંજૂરી આપવામાં આવી ચૂકી છે જેમાં સમગ્ર વર્ષ દરમિયાન ૫ પદ્મ વિભૂષણ, ૧૩ પદ્મ ભૂષણ અને ૧૧૩ પદ્મ શ્રી પુરસ્કારો આપવામાં આવનાર છે જેમાંથી ૬૬ પુરસ્કારો આવતીકાલે અપાશે જ્યારે બાકીના પુરસ્કારો આગામી બીજા તબક્કાના સમારોહમાં વિતરીત કરવામાં આવશે

આ પદ્મ પુરસ્કારો કલા, સાહિત્ય, વિજ્ઞાન, શિક્ષણ, રમતગમત, સામાજિક કાર્ય, ચિકિત્સા, વ્યાપાર અને ઉદ્યોગ જેવા વિવિધ ક્ષેત્રોમાં નોંધપાત્ર અને વિશિષ્ટ સેવાઓ આપવા બદલ એનાયત કરવામાં આવે છે જેમાં પદ્મ વિભૂષણ સૌથી ઉચ્ચ શ્રેણીનું સન્માન છે જે અસાધારણ અને વિશિષ્ટ સેવા માટે આપવામાં આવે છે જ્યારે પદ્મ ભૂષણ ઉત્કૃષ્ટ કક્ષાની ઉચ્ચ સેવા માટે અને પદ્મ શ્રી કોઈપણ ક્ષેત્રમાં નોંધપાત્ર અને ઉલ્લેખનીય યોગદાન આપવા બદલ એનાયત થાય છે આ પુરસ્કારો મેળવનારા દેશના વિવિધ રાજ્યો અને સંસ્કૃતિઓનું પ્રતિનિધિત્વ કરે છે

ચાલુ વર્ષના પદ્મ પુરસ્કારોની સૌથી મોટી વિશેષતા એ છે કે તેમાં દેશના એવા નાયકોને વિશેષ સ્થાન આપવામાં આવ્યું છે જેઓ લાઈમલાઈટથી દૂર રહીને કામ કરે છે અને જેમને ‘અનસુને નાયક’ (અનસંગ હીરોઝ) તરીકે ઓળખવામાં આવે છે આ યાદીમાં આશરે ૪૫ એવા વ્યક્તિઓનો સમાવેશ થાય છે જેમણે અત્યંત કઠિન પરિસ્થિતિઓ અને મર્યાદિત સંસાધનો હોવા છતાં સમાજ માટે પાયાનું અને મહત્વપૂર્ણ કાર્ય કર્યું છે જેમાં દૂરદરાજ અને અંતરિયાળ વિસ્તારો, આદિવાસી સમુદાયો તેમજ વંચિત વર્ગોમાંથી આવતા પાયાના કાર્યકરો સામેલ છે સરકારનો મુખ્ય ઉદ્દેશ્ય એવા લોકોને રાષ્ટ્રીય સ્તરે સન્માન આપવાનો છે જેમણે પોતાનું સંપૂર્ણ જીવન શિક્ષણ, આરોગ્ય, મહિલા સશક્તિકરણ, સ્વચ્છતા કે અન્ય સામાજિક ક્ષેત્રોમાં નિઃસ્વાર્થ ભાવે સમર્પિત કરી દીધું છે આ સમારોહ સામાન્ય નાગરિકો દ્વારા સમાજમાં લાવવામાં આવેલા સકારાત્મક બદલાવને બિરદાવવાનું એક રાષ્ટ્રીય પ્રતીક બનશે