વારાણસી : વડાપ્રધાન નરેન્દ્ર મોદીએ પોતાના સંસદીય ક્ષેત્ર વારાણસીની મુલાકાત દરમિયાન એક ભવ્ય રોડ શો યોજીને સ્થાનિક લોકોનું અભિવાદન ઝીલ્યું હતું. આ મુલાકાત દરમિયાન તેમણે ટેક્સટાઇલ ક્ષેત્રે મહત્વનું કદમ ઉઠાવતા અરવિંદ લિમિટેડની અદ્યતન ગાર્મેન્ટ મેન્યુફેક્ચરિંગ ફેસિલિટીનું વિધિવત ઉદ્ઘાટન કર્યું હતું.

રોડ શો દરમિયાન રસ્તાની બંને બાજુએ ઉમટેલી જનમેદનીએ વડાપ્રધાનનું ઉષ્માભર્યું સ્વાગત કર્યું હતું. આ તકે અરવિંદ લિમિટેડના નવા ગાર્મેન્ટ પ્લાન્ટના પ્રારંભથી સ્થાનિક સ્તરે રોજગારીની નવી તકો ઊભી થશે અને વિસ્તારના ઔદ્યોગિક વિકાસને વેગ મળશે.

આ મહત્વપૂર્ણ ઉદ્ઘાટન બાદ વડાપ્રધાન મોદી ભારતીય વાયુસેના (IAF) દ્વારા આયોજિત રોમાંચક અને આકર્ષક 'વિંગ્સ ઓવર ગંગા' એરિયલ ડિસ્પ્લેમાં હાજરી આપવાના ખાસ આયોજનમાં સામેલ થશે.

વારાણસીના ઔદ્યોગિક અને પ્રવાસન ક્ષેત્રને વેગ આપવા માટે સરકારે હાથ ધરેલા વિવિધ વિકાસ પ્રકલ્પોની શ્રેણીમાં આ નવી ફેસિલિટી અને એર શો ઉમેરાતાં સમગ્ર વિસ્તારમાં ભારે ઉત્સાહ જોવા મળી રહ્યો છે.