મોસ્‍કો,તા.૮: રશિયાના રાષ્ટ્રપતિ વ્‍લાદિમીર પુતિને ઐતિહાસિક વિજય દિવસની ઉજવણીને ધ્‍યાનમાં રાખીને યુક્રેન સાથે ચાલી રહેલા ભીષણ યુદ્ધમાં એકતરફી હંગામી સીઝફાયર એટલે કે યુદ્ધવિરામની જાહેરાત કરી છે.

બીજા વિશ્વયુદ્ધમાં નાઝી જર્મની સામેના ઐતિહાસિક અને નિર્ણાયક વિજયની યાદમાં દર વર્ષે નવમી મેના રોજ મોસ્‍કોના રેડ સ્‍ક્‍વેર ખાતે વિશાળ અને ભવ્‍ય સૈન્‍ય પરેડ યોજવામાં આવે છે.

આ રાષ્ટ્રીય તહેવાર અને ઉજવણીમાં દેશભરમાં કોઈ પણ પ્રકારની અશાંતિ ન ફેલાય અને સૈન્‍ય જવાનો પણ માનસિક શાંતિ સાથે આ ગૌરવપૂર્ણ દિવસનો હિસ્‍સો બની શકે તે હેતુથી, રશિયન સત્તાવાળાઓ દ્વારા દસમી મે સુધી યુક્રેન સરહદે તમામ મોટી આક્રમક સૈન્‍ય કાર્યવાહીઓ પર સંપૂર્ણ રોક લગાવતો સત્તાવાર આદેશ જારી કરવામાં આવ્‍યો છે.

આંતરરાષ્ટ્રીય સંરક્ષણ અને રાજકીય નિષ્‍ણાતો આ નિર્ણયને માત્ર ઉજવણી પૂરતો સીમિત ન ગણતા, રશિયાની એક ઊંડી અને નવી રણનીતિ તરીકે પણ મૂલવી રહ્યા છે. પﾍમિી નિષ્‍ણાતોના મતે, આ હંગામી શાંતિના સમયગાળા દરમિયાન રશિયન સૈન્‍ય પોતાના શષસરંજામ, લોજિસ્‍ટિક સપ્‍લાય ચેઇન અને લાંબા યુદ્ધથી થાકેલા સૈનિકોનું નવેસરથી પુનર્ગઠન કરી શકે છે, જેથી દસમી મે બાદ ફરીથી વધુ આક્રમક રીતે હુમલાઓ શરૂ કરી શકાય.

બીજી તરફ, યુક્રેનની રાજધાની કિવમાંથી હજુ સુધી આ સીઝફાયર પ્રસ્‍તાવ અંગે કોઈ સકારાત્‍મક કે સત્તાવાર પ્રતિક્રિયા આપવામાં આવી નથી. નાટો દેશો અને અન્‍ય સંરક્ષણ સંગઠનો પણ આ જાહેરાતને ભારે શંકાની નજરે જોઈ રહ્યા છે.

વૈશ્વિક આર્થિક બજારો, ખાસ કરીને શેરબજાર અને આંતરરાષ્ટ્રીય ક્રૂડ ઓઇલના વ્‍યાપાર પર આ જાહેરાતની તાત્‍કાલિક હળવી સકારાત્‍મક અસર જોવા મળી છે, પરંતુ જમીની વાસ્‍તવિકતા હજુ પણ અત્‍યંત તંગ અને સ્‍ફોટક બનેલી છે.