મુંબઇઃ તા.૧૭:  અંબાણી પરિવારના નિવાસસ્‍થાન ‘એન્‍ટિલિયા' ખાતે ગણેશોત્‍સવની ઉજવણી ધામધૂમથી કરવામાં આવી હતી ત્‍યારે મુકેશ અંબાણી અને નીતા અંબાણીની નાની પુત્રવધૂ રાધિકા મર્ચન્‍ટ પોતાના ટ્રેડિશનલ અને રોયલ ફેશન સ્‍ટેટમેન્‍ટને કારણે સોશિયલ મીડિયા પર છવાઈ ગઈ છે. ગણપતિ બાપ્‍પાની વિશેષ પૂજા દરમિયાન રાધિકાએ બોલિવૂડના જાણીતા ફેશન ડિઝાઈનર મનીષ મલ્‍હોત્રા દ્વારા ખાસ તૈયાર કરવામાં આવેલી કસ્‍ટમ સાડી પરિધાન કરી હતી.

રાધિકા મર્ચન્‍ટનો આ સ્‍પેશિયલ પર્ફોર્મન્‍સનો વીડિયો સોશિયલ મીડિયા પર ખૂબ જ વાઈરલ થઈ રહ્યો છે. રાધિકાનો આ એથનિક લૂક પરંપરાગત ભારતીય સંસ્‍કૃતિ અને આધુનિક ફેશન ડિઝાઈનિગનું સુંદર મિશ્રણ રજૂ કરે છે. બાપ્‍પાના આશીર્વાદ લેતી વખતે તેનો મનમોહક અંદાજ અને ગ્રેસ જોઈને ફેન્‍સ તથા ફેશનપ્રેમીઓ તેના વખાણ કરતાં થાકી નથી રહ્યા. જોકે, આ બધા વચ્‍ચે સોશિયલ મીડિયા પર રાધિકાની સાડી અને તેની કિમતને લઈને ચર્ચા થઈ રહી છે. ચાલો જાણીએ શું છે આ સાડીની કિમત...

રાધિકા મર્ચન્‍ટનીઆ ખાસ પૂજા માટે તૈયાર કરાયેલી કસ્‍ટમ કાંજીવરમ સાડીમાં ઉત્‍કૃષ્ટ કારીગરી, જરદોશી તેમજ રેશમ અને જરીના તારથી બનેલું હેન્‍ડવર્ક જોવા મળી હતી. તહેવારના પાવન માહોલને અનુરૂપ ફેબ્રિકની પસંદગી અને પેસ્‍ટલ/ટ્રેડિશનલ કલર પેલેટ તેને શાહી ટચ આપી રહી હતી. રાધિકાએ આ સાડીની સાથે મેચિગ હેવી એમ્‍બ્રોઈડરી ધરાવતો ક્‍લાસિક ડિઝાઈનર બ્‍લાઉઝ રાધિકાના ઓવરઓલ લુકને વધારે આકર્ષક અને ગ્રેસફુલ બનાવવાનું કામ કર્યું હતું.

 અંબાણી પરિવારના નાના વહુરાણી રાધિકા મર્ચન્‍ટની સાડીની વાત કરી લીધા બાદ વાત કરીએ એસેસરીઝ અને મેકઅપની. સુંદર આ સાડી સાથે રાધિકાએ સ્‍ટેટમેન્‍ટ કુંદન-પોલકી અથવા હીરાજાડિત ચોકર નેકલેસ, મેચિગ ઈયરરિગ્‍સ અને ટ્રેડિશનલ કંગન પહેરીને પોતાના લુકને પૂર્ણ કર્યો હતો. પૂજાના પવિત્ર અવસર માટે તેણે સાદો છતાં એલિગન્‍ટ હેર બન (અંબોડો) અથવા સોફટ કર્લ્‍સ પસંદ કર્યા હતા, જેમાં તાજા ગજરાના ટચે પરંપરાગત સુંદરતામાં વધારો કર્યો હતો

વાત કરીએ રાધિકાના મેકઅપની તો રાધિકાએ આ સુંદર સાડી સાથે ચમકદાર બેઝ, ન્‍યૂડ લિપસ્‍ટિક અને કપાળ પર નાની બિદી સાથેનો મિનિમલ ગ્‍લોઈંગ મેકઅપ રાધિકાના કુદરતી સૌંદર્યને વધુ નિખારી રહ્યો હતો. જોકે, રાધિકાએ પહેરેલી સાડી એ નોર્મલ કાંજીવરમ સાડી નહીં પરંતુ કસ્‍ટમાઈઝ્‍ડ કરવામાં આવેલી કાંજીવરમ સાડી હોવાથી તેની કિમત વધુ હોવાનો દાવો એક રિપોર્ટમાં કરાઈ રહ્યો છે