ઉત્તર પ્રદેશની રાજધાની લખનઉના અલીગંજમાં આવેલા કોચિંગ સેન્ટરમાં સર્જાયેલી ભયાનક અને કમકમાટીભરી આગની દુર્ઘટના પર લોકસભાના વિપક્ષી નેતા રાહુલ ગાંધીએ પ્રતિક્રિયા આપતા આ અકસ્માતને અત્યંત દુઃખદ ગણાવ્યો છે. રાહુલ ગાંધીએ આ અગ્નિકાંડમાં પોતાના માસૂમો અને સ્વજનો ગુમાવનારા તમામ શોકગ્રસ્ત પરિવારો પ્રત્યે પોતાની હાર્દિક સંવેદના વ્યક્ત કરી છે અને સાથે જ દુર્ઘટનામાં ગંભીર રીતે દાઝેલા અને ઈજાગ્રસ્ત થયેલા તમામ લોકો ઝડપથી સ્વસ્થ થઈ જાય તેવી આશા અને પ્રાર્થના પ્રકટ કરી છે.