તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રાહુલ ગાંધીએ પાર્ટીના વરિષ્ઠ નેતાઓ માટે દિવાળી પાર્ટીનું આયોજન કર્યું
સોનિયા ગાંધી અને જયરામ રમેશ જેવા નેતાઓએ હાજરી આપી : મત ચોરીના મુદ્દા પર સરકાર વિરુદ્ધ પાર્ટીના અભિયાન વચ્ચે તેને એકતાના પ્રદર્શન તરીકે જોવામાં આવી રહ્યું છે
નવી દિલ્હી,તા.૭: દિવાળીના બે દિવસ પહેલા શુક્રવારે કોંગ્રેસના ભૂતપૂર્વ પ્રમુખ રાહુલ ગાંધીએ વરિષ્ઠ પાર્ટીના નેતાઓ માટે ચા પાર્ટીનું આયોજન કર્યું હતું, જેમાં સંગઠનના મુખ્ય નેતાઓએ હાજરી આપી હતી. મત ચોરીના મુદ્દા પર સરકાર વિરુદ્ધ પાર્ટીના અભિયાન વચ્ચે આ દિવાળી પાર્ટીને એકતાના પ્રદર્શન તરીકે જોવામાં આવી રહી છે.
કોંગ્રેસ કાર્યકારી સમિતિ (CWC) ના સભ્યો, વિવિધ રાજ્યોના પ્રભારીઓ અને પાર્ટીના અગ્રણી સંગઠનોના વડાઓને ચા પાર્ટીમાં આમંત્રણ આપવામાં આવ્યું હતું. કોંગ્રેસ સંસદીય પક્ષના વડા સોનિયા ગાંધીએ પણ થોડા સમય માટે હાજરી આપી હતી.
પ્રિયંકા ગાંધી અને જયરામ રમેશ જેવા વરિષ્ઠ નેતાઓએ પણ હાજરી આપી હતી.
પ્રિયંકા ગાંધી, જયરામ રમેશ, સચિન પાયલટ, ભૂપેશ બઘેલ, કર્ણાટકના મુખ્યમંત્રી ડીકે શિવકુમાર, હિમાચલ પ્રદેશના મુખ્યમંત્રી સુખવિદર સિહ સુખુ, રાજસ્થાનના ભૂતપૂર્વ મુખ્યમંત્રી અશોક ગેહલોત અને હરિયાણાના ભૂતપૂર્વ મુખ્યમંત્રી ભૂપિંદર સિહ હુડ્ડા સહિતના પાર્ટી નેતાઓએ ભાગ લીધો હતો.
કોંગ્રેસના નેતાઓએ જણાવ્યું હતું કે પાર્ટી દરમિયાન રાહુલ ગાંધીએ બધા નેતાઓ સાથે મુલાકાત કરી હતી અને દિવાળી અને ધનતેરસની શુભેચ્છાઓ પાઠવી હતી. રાહુલ ગાંધી, અન્ય વિપક્ષી પક્ષો સાથે, સતત મત ચોરીનો મુદ્દો ઉઠાવી રહ્યા છે અને કેન્દ્ર સરકાર અને ચૂંટણી પ્રક્રિયા પર સવાલ ઉઠાવી રહ્યા છે.(૪૦.૭)
(10:27 AM IST)
છેલ્લા 8 દિવસમાં સૌથી લોકપ્રિય 
