નવી દિલ્‍હી, તા.૨૨: ઉત્તર પ્રદેશની ૧૦ અને ઉત્તરાખંડની ૧ રાજ્‍યસભા બેઠક પર આગામી ૧૬ ઓક્‍ટોબરે યોજાનારી ચૂંટણીને લઈને રાજકીય અખાડામાં જબરદસ્‍ત ગરમાવો આવી ગયો છે. ચૂંટણી પંચ દ્વારા સત્તાવાર તારીખો જાહેર થતાંની સાથે જ તમામ રાજકીય પક્ષોમાં આંતરિક બેઠકો અને સમીકરણો ગોઠવવાની દોડધામ શરૂ થઈ ગઈ છે, કારણ કે આ તમામ બેઠકોના વર્તમાન સભ્‍યોનો કાર્યકાળ આગામી ૨૫ નવેમ્‍બરે પૂર્ણ થઈ રહ્યો છે.

યુપીના રાજકીય ગણિતની વાત કરીએ તો, વિધાનસભાની કુલ ૪૦૩ બેઠકોમાંથી ૬ સભ્‍યોનું નિધન થવાના કારણે હાલમાં ૩૯૭ ધારાસભ્‍યો જ મતદાન કરશે, જેમાં એક બેઠક જીતવા માટે ૩૭ મતોની આવશ્‍યકતા રહેલી છે. ભાજપ પાસે પોતાના ૨૫૬ અને સાથી પક્ષોના ૩૩ મળીને કુલ ૨૮૯ મતોનું મજબૂત બળ છે, જેના આધારે ભાજપના ૭ ઉમેદવારોની જીત નિﾍતિ માનવામાં આવી રહી છે, જ્‍યારે ૧૦૧ બેઠકો ધરાવતી સમાજવાદી પાર્ટી પણ કોંગ્રેસના સમર્થન સાથે પોતાની બે બેઠકો સરળતાથી જીતીને વધારાના મતોનું આયોજન કરી રહી છે.

આ ચૂંટણી પ્રક્રિયા અંતર્ગત જાહેરનામું બહાર આવ્‍યા બાદ નામાંકન, ચકાસણી અને ફોર્મ પરત ખેંચવાની નિયત પ્રક્રિયા પૂર્ણ કરીને આગામી ૧૬ ઓક્‍ટોબરે મતદાન યોજાશે અને મતદાનની સાંજે જ ચૂંટણીના પરિણામો પણ જાહેર કરી દેવામાં આવશે, જેને લઈને અત્‍યારથી જ રાજકીય માહોલ ચરમસીમા પર પહોંચી ગયો છે.