તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સંસદમાં રામ મંદિર દાન ચોરી અને NEET મુદ્દે ભારે ધમાલ
બંને ગળહ બપોર સુધી સ્થગિત વિદ્યાર્થીઓ પર થયેલા લાઠીચાર્જનો મુદ્દો ઉઠાવી ખડગેએ સરકારને ઘેરી
નવી દિલ્હી, તા.૨૧: સંસદના ચોમાસુ સત્રની શરૂઆતથી જ રાજકીય ગરમાવો ચરમસીમાએ પહોંચી ગયો છે. પ્રથમ દિવસે રામ મંદિરના પ્રસાદ ચોરી પ્રકરણ અને દેશવ્યાપી ચર્ચાસ્પદ NEET પેપર લીક મુદ્દે વિપક્ષે એવો જોરદાર હંગામો મચાવ્યો કે સંસદનું ગળહ રણભૂમિ બની ગયું હતું. સત્રના બીજા દિવસે પણ પરિસ્થિતિમાં કોઈ સુધારો જોવા મળ્યો ન હતો. સવારના સમયે ગળહની કાર્યવાહી શરૂ થતાંની સાથે જ વિપક્ષી સાંસદોએ આક્રમક આક્ષેપો અને વિરોધ સાથે વેલમાં ધસી આવીને ભારે હંગામો શરૂ કરી દીધો હતો. વિપક્ષના આ તીવ્ર રોષને કારણે સ્પીકરે ગળહની કાર્યવાહી શરૂ થયાની માત્ર બે જ મિનિટમાં બપોરે ૧૨ વાગ્યા સુધી અને ત્યારબાદ સ્થિતિ ન સુધરતાં બપોરે ૨ વાગ્યા સુધી સ્થગિત કરવાની ફરજ પડી હતી.
બીજી તરફ, ઉપલા ગળહ એટલે કે રાજ્યસભામાં પણ ચોમાસુ સત્રના આ ઝંઝાવાતનો ધમધમાટ જોવા મળ્યો હતો. ભારે ઘોંઘાટ અને સૂત્રોચ્ચાર વચ્ચે કાર્યવાહી આગળ વધારવાનો પ્રયાસ કરવામાં આવ્યો હતો, પરંતુ માહોલ અત્યંત તંગ રહ્યો હતો. વિપક્ષી નેતા મલ્લિકાર્જુન ખડગેએ દેશના સડકો પર શાંતિપૂર્ણ રીતે પોતાના હક માટે અવાજ ઉઠાવી રહેલા યુવાનો અને વિદ્યાર્થીઓ પર થયેલા નિર્દયી લાઠીચાર્જનો મુદ્દો અત્યંત ગંભીરતાથી ઉઠાવ્યો હતો. ખડગેએ સરકાર પર આકરા પ્રહારો કરતા કહ્યું કે સરકાર યુવાનોના અવાજને દબાવવા માટે લાઠીઓનો સહારો લઈ રહી છે. વિપક્ષના આ આક્રમક વલણ સામે ગળહમાં સ્થિતિ વણસતાં રાજ્યસભાની કાર્યવાહી પણ તબક્કાવાર રીતે બપોરે ૨ વાગ્યા સુધી મુલતવી રાખવી પડી હતી.
સંસદના બંને ગળહોમાં ચાલી રહેલા આ રાજકીય ઘર્ષણને કારણે સરકાર અને વિપક્ષ વચ્ચેનો ખટરાસ વધુ સપાટી પર આવ્યો છે. એક તરફ વિપક્ષ રામ મંદિરના પ્રસાદમાં થયેલી કથિત ચોરી અને યુવાનોના ભવિષ્ય સાથે રમતા NEET પેપર લીક કાંડ પર તાત્કાલિક અને વિસ્તળત ચર્ચાની માંગ પર અડગ છે, તો બીજી તરફ ગળહ સ્થગિત થવાના કારણે પ્રશ્નકાળ અને મહત્વના વિધેયકો પરનું કામકાજ સંપૂર્ણપણે ઠપ થઈ ગયું છે. ચોમાસુ સત્રના શરૂઆતી દિવસો જ વિરોધની ભેટ ચડી જતાં આગામી દિવસોમાં પણ સંસદમાં ભારે ધમાસાણ રહેવાના સ્પષ્ટ સંકેતો મળી રહ્યા છે
(3:48 PM IST)
છેલ્લા 8 દિવસમાં સૌથી લોકપ્રિય 
