નવી દિલ્‍હી,તા.૧૦: ગયા વર્ષે રાજધાની દિલ્‍હીમાં લાલ કિલ્‍લા પાસે થયેલા વિસ્‍ફોટના કેસમાં એક મોટો ખુલાસો થયો છે. રાષ્ટ્રીય તપાસ એજન્‍સી (ANI) દ્વારા કોર્ટમાં દાખલ કરાયેલી ચાર્જશીટ અનુસાર, ગયા વર્ષે ૧૦ નવેમ્‍બરના રોજ વાહનથી ચાલતા IED (VBIED) હુમલાનું મુખ્‍ય લક્ષ્ય ચાંદની ચોકમાં આવેલ ઐતિહાસિક 'લાલ મંદિર' હતું.

NIA તપાસમાં જાણવા મળ્‍યું છે કે વિસ્‍ફોટના ૧૩ મિનિટ પહેલા, હુમલાખોર, ઉમર-ઉન-નબીએ લાલ મંદિર પાસે પોતાની શ૨૦ કાર પાર્ક કરવાનો પ્રયાસ કર્યો હતો. જોકે, ભારે ટ્રાફિક અને વિસ્‍તારમાં પોલીસની મજબૂત હાજરીને કારણે, તે પોતાનો ધ્‍યેય પ્રાપ્ત કરી શક્‍યો ન હતો અને તેને પોતાનો રસ્‍તો બદલવાની ફરજ પડી હતી.

CCTV ફૂટેજની તપાસમાં જાણવા મળ્‍યું છે કે શંકાસ્‍પદ કાર સાંજે ૬:૩૭ વાગ્‍યે લાલ મંદિર પાસે જોવા મળી હતી. પાર્ક કરવામાં અસમર્થ હોવાથી, હુમલાખોરે યુ-ટર્ન લીધો અને લાલ કિલ્‍લાના ગેટ નંબર ૪ તરફ ગયો. ત્‍યારબાદ કારમાં રાખેલા વિસ્‍ફોટકોને બરાબર ૬:૫૦ વાગ્‍યે વિસ્‍ફોટ કરવામાં આવ્‍યા.

NIA ચાર્જશીટમાં દિલ્‍હીમાં આ પ્રથમ વાહન-આધારિત આતંકવાદી હુમલા પાછળના કાવતરા અને આયોજનની વિગતો આપવામાં આવી છે. એજન્‍સીના જણાવ્‍યા અનુસાર, સુરક્ષા કર્મચારીઓની સતર્કતાને કારણે હુમલાખોરે છેલ્‍લી ક્ષણે પોતાનું સ્‍થાન બદલ્‍યું હતું.

NIA તપાસ અહેવાલ મુજબ, રાજધાનીમાં થયેલા વિસ્‍ફોટમાં ૧૧ લોકો માર્યા ગયા હતા અને ૨૯ ઘાયલ થયા હતા. તપાસ અહેવાલ મુજબ, હુમલામાં નજીકની મિલકતોને આશરે ૧૭.૭ લાખ રૂપિયાનું નુકસાન થયું હતું.

નવેમ્‍બર ૨૦૨૫માં લાલ કિલ્‍લા પાસે થયેલા કાર બોમ્‍બ વિસ્‍ફોટ કેસમાં, ફત્‍ખ્‍એ તેની ચાર્જશીટમાં આત્‍મઘાતી બોમ્‍બર ઉમર-ઉન-નબીનું નામ અંસાર ગઝવત-ઉલ-હિદના પુનર્જીવિત આતંકવાદી મોડ્‍યુલના ઓપરેશનલ ઇન્‍ચાર્જ તરીકે નામ આપ્‍યું છે.

તપાસ એજન્‍સી અનુસાર, નબી ૨૦૨૨ ની શરૂઆતથી જ નિષ્‍ક્રિય આતંકવાદી નેટવર્કને ફરીથી સક્રિય કરવામાં અને દેશમાં આતંકવાદી હુમલા કરવાના કાવતરાને આગળ વધારવામાં સામેલ હતો.