દુબઈ તા.૩૦: એક કારની માત્ર નંબર-પ્‍લેટ મનપસંદ આંકડાની લેવા માટે કોઈ કેટલા રૂપિયા ખર્ચી શકે? આ બાબતે આપણી કલ્‍પનાના સીમાડાઓ વટાવી દે એવું કારનામું દુબઈમાં થયું છે. અહીં ૧૨૧મું ઓપન નંબર-પ્‍લેટ ઑક્‍શન હાથ ધરાયું હતું જેમાં ફેન્‍સી નંબર CC44 માટે ૬.૭૨ મિલ્‍યન દિરહામ એટલે કે લગભગ ૧૭ કરોડ રૂપિયાની બોલી લાગી હતી. આવો જ બીજો નંબર ગ્‍ગ્‍૧૮ છે જેના માટે ૬.૬૨ મિલ્‍યન દિરહામ એટલે કે ૧૬.૮ કરોડ રૂપિયા અને ગ્‍ગ્‍૮૦ માટે ૫.૯ મિલ્‍યન દિરહામ એટલે કે ૧૫ કરોડ રૂપિયાની બોલી લાગી હતી. આ ઓક્‍શનમાં દુબઈની રોડ્‍સ એન્‍ડ ટ્રાન્‍સપોર્ટ ઓથોરિટીએ લગભગ ૧૭૦ કરોડ રૂપિયાની રેવન્‍યુ એકઠી કરી હતી.