જમુઈ કાંડમાં પોલીસની આકરી કાર્યવાહીઃ મુખ્ય આરોપી નંદન યાદવનું એન્કાઉન્ટરઃ બીજા આરોપીને ઇજા
સોશિયલ મીડિયા પર વાયરલ થયેલા લાલ સ્કાર્ફ વાળા વીડિયોથી થઈ હતી ઓળખઃ ત્રણ સગીરો સહિત કુલ ૬ આરોપીઓ પોલીસ સકંજામાં
જમુઈ, તા.૨૨: બિહારના જમુઈ જિલ્લામાં એક વિદ્યાર્થી સાથેના અત્યાચાર અને દુર્વ્યવહારના વાયરલ થયેલા વીડિયો મામલે પોલીસે આકરી કાર્યવાહી કરીને સનસનાટીભર્યા એન્કાઉન્ટરને અંજામ આપ્યો છે. સોશિયલ મીડિયા પર આ અમાનવીય કળત્યનો વીડિયો આગની જેમ ફેલાયા બાદ પોલીસ તંત્ર હરકતમાં આવ્યું હતું અને મુખ્ય આરોપી નંદન યાદવ અને હરેરામ યાદવની સઘન શોધખોળ શરૂ કરી હતી.
પોલીસની પકડથી બચવા માટે ભાગી રહેલા મુખ્ય આરોપી નંદન યાદવે પોલીસ પર દબાણ વધારવાનો પ્રયાસ કરતા જવાબી કાર્યવાહીમાં પોલીસ સાથેના એન્કાઉન્ટર દરમિયાન તેના પગમાં ગોળી વાગી હતી. બિહારના એડીજી (કાયદો અને વ્યવસ્થા) સુહિતા અનુપમના જણાવ્યા અનુસાર, ૧૯ સપ્ટેમ્બરની સાંજે જમુઈ-લખીસરાય રોડ પર બનેલી આ શરમજનક ઘટનાના તમામ આરોપીઓની આખરે પોલીસે ધરપકડ કરી લીધી છે, જેમાં કેટલાક આરોપીઓ સગીર વયના હોવાનું પણ સામે આવ્યું છે.
ઘટના બાદ પોલીસે પીડિત વિદ્યાર્થીનો સંપર્ક કરી તાત્કાલિક ધોરણે એફઆઈઆર નોંધીને તપાસના ચક્રો ગતિમાન કર્યા હતા અને ફરાર આરોપીઓને દબોચી લીધા હતા. એન્કાઉન્ટરમાં ઇજાગ્રસ્ત થયેલા મુખ્ય આરોપી નંદન યાદવ સહિતના આરોપીઓને તાત્કાલિક સારવાર માટે હોસ્પિટલમાં ખસેડવામાં આવ્યા છે, જ્યારે આ સમગ્ર મામલે પોલીસે માત્ર ગુનેગારો જ નહીં પરંતુ વીડિયો વાયરલ કરનારા તત્વો સામે પણ કડક કાનૂની શિસ્તના પગલાં ભરવાની નેતળત્વવાળી કાર્યવાહી હાથ ધરી છે.
(2:47 PM IST)
છેલ્લા 8 દિવસમાં સૌથી લોકપ્રિય 
