છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
અમેરિકા ભણવા જતાં સ્ટૂડન્ટ્સને હવે ચાર જ વર્ષના વિઝા મળશે
અમેરિકા ભણવા જવા માગતા સ્ટૂડન્ટ્સને ટ્રમ્પ એડમિનિસ્ટ્રેશને મોટો આંચકો આપ્યો
વોશીંગ્ટન તા.૧૮: અમેરિકા ભણવા જવા માગતા સ્ટૂડન્ટ્સને ટ્રમ્પ એડમિનિસ્ટ્રેશને મોટો આંચકો આપ્યો છે. ગુરુવારે ફાઈનલાઈઝ કરાયેલા રૂલ્સ અનુસાર હવે મોટાભાગના ફોરેન સ્ટૂડન્ટ્સ અને એક્સચેન્જ વિઝિટર્સ એક્સટેન્શન વિના ચાર વર્ષથી વધુ સમય સુધી અમેરિકામાં નહીં રહી શકે. આ નિયમ સપ્ટેમ્બર ૧૭થી અમલમાં આવે તેવી શક્યતા છે. DHSએ એ વાતનો સ્વીકાર કર્યો છે કે સ્ટૂડન્ટ્સ માટે ચાર વર્ષમાં ડિગ્રી મેળવવી ખૂબ જ મુશ્કેલ બની રહેશે. સામાન્ય સંજોગોમાં અમેરિકામાં બેચલર્સની ડિગ્રી મેળવવામાં ચાર વર્ષ કરતા થોડો વધુ સમય લાગે છે જ્યારે ડોક્ટરેટમાં તો તેનાથી પણ વધુ સમય લાગી શકે છે.
જોકે, ફેડરલ ગવર્મેન્ટનું કહેવું છે કે સ્ટૂડન્ટ્સને ઓવરસ્ટે થતાં રોકવા માટે યોગ્ય પ્રોસેસ અમલમાં મૂકવી જરૂરી છે. DHSના સેક્રેટરી માર્કવીન મલિને આ અંગે જણાવ્યું હતું કે છેલ્લા ૫૦ વર્ષથી જે સિસ્ટમ અમલમાં છે તે આઉટડેટેટ થઈ ગઈ છે અને તેના કારણે નેશનલ સિક્યોરિટીને ખતરો હોવાની સાથે ઈમિગ્રેશન ફ્રોડને પણ મોકળું મેદાન મળી રહે છે. જોકે, ઈન્ટરનેશનલ સ્ટૂડન્ટ્સનું પ્રતિનિધિત્વ કરતા ગ્રુપ્સે નવા નિયમની ટીકા કરી છે. DHS દ્વારા બનાવાયેલો નિયમ ગેરમાર્ગે દોરનારો ગણાવાઈ રહ્યો છે અને તેનાથી સ્ટૂડન્ટ્સમાં ડરનો માહોલ ઉભો થશે તેવી પણ શક્યતા છે.
આ ઉપરાંત એક્સટેન્શન મેળવવા ઈચ્છતા સ્ટૂડન્ટ્સને અનિﾍતિતાનો સામનો કરવો પડશે અને તેનાથી વર્કલોડ પણ વધી જશે. હાલ અમેરિકાની ઈમિગ્રેશન સિસ્ટમ કામના પ્રચંડ ભારણ હેઠળ છે તેવામાં સ્ટૂડન્ટ્સને જો ચાર વર્ષ બાદ એક્સટેન્શન મેળવવું હશે તો તેમને પણ લાંબા વેઈટિગમાં રહેવું પડશે. આટલું ઓછું હોય તેમ જો ચાર વર્ષના સ્ટે દરમિયાન કોઈ સ્ટૂડન્ટથી કાયદા કે નિયમનો ભંગ થયો હશે કે પછી બીજો કોઈ ઈશ્યૂ સર્જાયો હશે તો તેના વિઝા એક્સટેન્ડ કરવાનો ઈનકાર કરી દેવાય તેવી પણ પૂરી શક્યતા છે.
હાલની સિસ્ટમ પ્રમાણે સ્ટૂડન્ટ વિઝા પર અમેરિકા જતાં લોકોને ડ્યૂરેશન ઓફ સ્ટેટસ અપાતું હોય છે. જેનો અર્થ એવો થાય છે કે તેઓ ફુલ ટાઈમ ભણતા હોય ત્યાં સુધી પોતાનું સ્ટેટસ ચાલુ રાખી શકે છે અને ભણવાનું પૂરું કરી OPT અથવા CPT મેળવી શકે છે. તેના માટે કોઈ ફિક્સ એક્સપાયર ડેટ નક્કી નથી હોતી, પરંતુ નવા નિયમ અનુસાર ચાર વર્ષ માટે જ અમેરિકામાં એન્ટ્રી મળશે. જો તેનાથી વધુ સમય રોકાવું હશે તો એક્સટેન્શન માટે એપ્લાય કરવું પડશે. હાલ સ્ટૂડન્ટ્સને ૬૦ દિવસનો ગ્રેસ પિરિયડ મળે છે જે હવે ઘટીને ૩૦ દિવસનો થઈ જશે અને સાથે જ નવા નિયમને કારણે અમેરિકા ભણવા જવાનું વધુ મોંઘું થશે. જે સ્ટૂડન્ટ્સ ઈંગ્લિશ લેંગ્વેજ ટ્રેનિગ પ્રોગ્રામ્સમાં એનરોલ થયા છે તેઓ માત્ર ૨૪ મહિના સુધી જ અમેરિકામાં રહી શકશે.
જે સ્ટૂડન્ટ્સ ગ્રેજ્યુએશન કરવા માટે યુએસ જાય છે તેમને હવે પહેલા વર્ષ દરમિયાન પોતાનો સ્ટડી પ્રોગ્રામ કે એજ્યુકેશન લેવલ બદલવાની મંજૂરી નહીં મળે જ્યારે ગ્રેજ્યુએટ સ્ટૂડન્ટ્સ માટે તો વધુ કડક લિમિટ્સ લાગુ કરવામાં આવી છે. જોકે, હાલ જે સ્ટૂડન્ટ્સ ડ્યૂરેશન ઓફ સ્ટેટસ પર અમેરિકામાં છે તેઓ ભણવાનું પૂરં ના થાય કે પછી મહત્તમ ચાર વર્ષ સુધી પોતાનું હાલનું સ્ટેટસ જાળવી શકશે. ૨૦૨૦માં પણ ટ્રમ્પે આ પ્રકારના નિયમની દરખાસ્ત રજૂ કરી હતી પરંતુ તેનો અમલ નહોતો થઈ શક્યો. હવે જ્યારે આ નિયમ બે મહિનામાં લાગુ થવા જઈ રહ્યો છે ત્યારે તેની સૌથી વધુ અસર ઈન્ડિયન્સને જ થવાની છે.
જો સ્ટૂડન્ટ્સને ચાર વર્ષ બાદ એક્સટેશન લેવું હશે તો તેના માટે USCISનું અપ્રુવલ લેવું પડશે, તેના માટે ફોર્મલ ડોક્યુમેન્ટેશન કરવું પડશે અને બાયોમેટ્રિક્સ પણ આપવા પડશે. જે સ્ટૂડન્ટ્સ સમયસર એક્સટેન્શન નહીં મેળવી શકે તેમને ઓવરસ્ટે થઈ ગયેલા ગણાશે અને આવા કેસમાં તેમની સામે ત્રણથી દસ વર્ષના એન્ટ્રી બેન સાથે ડિપોર્ટેશનની કાર્યવાહી કરી શકાય છે. આમેય ટ્રમ્પના પ્રેસિડેન્ટ બન્યા બાદ અમેરિકા ભણવા જઈ રહેલા સ્ટૂડન્ટ્સની સંખ્યામાં ધરખમ ઘટાડો થવાથી અમેરિકાની યુનિવર્સિટીઓને ભારે નુક્સાન ભોગવવું પડી રહ્યું છે તેવામાં આ નિયમને કારણે સ્ટૂડન્ટ્સની સંખ્યા વધુ ઘટી શકે છે.
(9:43 AM IST)
