ચેન્નાઈ તા.૨૮: તમિલનાડુ સરકારે ૧૫ વર્ષ પછી રાજ્‍યમાં ઓટો ભાડામાં સુધારો કર્યો છે. ઓટો ચાલકોના લાંબા વિરોધ બાદ, સરકારે ભાડામાં સુધારો કર્યો છે. નવા નિયમ મુજબ, પ્રથમ ૧.૮ કિલોમીટરની મુસાફરી માટે રૂા.૫૦ ફી લેવામાં આવશે. ત્‍યારબાદ દરેક વધારાના કિલોમીટર માટે રૂા.૨૫ ફી લેવામાં આવશે.

નવા ભાડા માળખા હેઠળ, પ્રથમ ૧.૮ કિલોમીટર માટે ઓછામાં ઓછી રૂા.૫૦ ફી લેવામાં આવશે. ત્‍યારબાદ દરેક વધારાના કિલોમીટર માટે રૂા.૨૫ ફી લેવામાં આવશે.

વિજય સરકારનો નિર્ણય ઓટો ચાલકોના વિરોધ બાદ લેવામાં આવ્‍યો છે તમિલનાડુમાં ઓટો ભાડામાં સુધારો કરવાનો નિર્ણય ૧૫ વર્ષ પછી લેવામાં આવ્‍યો છે. ઓટો ચાલકો લાંબા સમયથી ભાડામાં સુધારો કરવાની માંગણી સાથે વિરોધ કરી રહ્યા હતા. સરકારે હવે નવા દર નક્કી કર્યા છે. આ મુજબ, લોકોએ હવે પ્રથમ ૧.૮ કિલોમીટરની ઓટો-રિક્ષા સવારી માટે રૂા.૫૦ ચૂકવવા પડશે.

દિવાળી પહેલા તમિલનાડુમાં ઘણા દૂધના ઉત્‍પાદનો મોંઘા થઈ ગયા છે. રાજ્‍યની માલિકીની ડેરી બ્રાન્‍ડ અવિનએ તેના ૬૩ ઉત્‍પાદનોના ભાવમાં વધારો કરવાનો નિર્ણય લીધો છે. નવા દર ૨૮ ઓક્‍ટોબરથી અમલમાં આવશે. આ નિર્ણય ઘી, માખણ, દહીં, મિલ્‍કશેક અને મીઠાઈ જેવા ઉત્‍પાદનોને અસર કરશે.

નવા ભાવો અનુસાર, ૧૦૦ મિલી ઘીના પેકની કિમત હવે રૂા.૮૦ ને બદલે રૂા. ૯૫ થશે. ૨૦૦ મિલી ઘીની કિમત રૂા.૧૬૦ થી વધારીને રૂા.૧૮૦ કરવામાં આવી છે. ૧૦૦ ગ્રામ માખણના પેકની કિમત હવે રૂા.૬૦ ને બદલે રૂા.૭૦ કરવામાં આવી છે. તેવી જ રીતે, ૫૦૦ ગ્રામ દહીંની કિમત રૂા.૩૫ થી વધારીને રૂા.૪૦ કરવામાં આવી છે.

અવિનએ ભાવ વધારા માટે કાચા માલ, દૂધની ખરીદી અને ઉત્‍પાદન ખર્ચમાં વધારો જવાબદાર ગણાવ્‍યો હતો. દિવાળી દરમિયાન મીઠાઈઓ અને ડેરી ઉત્‍પાદનોની માંગ વધે છે, તેથી નવા ભાવ ગ્રાહકોના ખિસ્‍સા પર અસર કરી શકે છે.