જયપુર,તા.૦૨: રાજસ્‍થાનની ગુલાબી નગરી જયપુરમાં પ્રાણીપ્રેમનું એક અત્‍યંત અદ્વુત અને પ્રેરણાદાયી ઉદાહરણ જોવા મળી રહ્યું છે. અહીં રહેતા વિજય કુમાર શર્મા આજે આખા શહેરમાં આદરપૂર્વક ‘મંકી મેન' તરીકે ઓળખાય છે. તેમની આ અનોખી ઓળખ પાછળ વાંદરાઓ પ્રત્‍યેનો તેમનો અતૂટ, અદ્વુત અને નિઃસ્‍વાર્થ પ્રેમ જવાબદાર છે. વિજય કુમાર ઘણાં વર્ષોથી દરરોજ સવારે નિયમિતપણે જયપુરના ઐતિહાસિક ગલતાજી મંદિર (મંકી ટેમ્‍પલ) પરિસરમાં અને એની આસપાસના પહાડી વિસ્‍તારોમાં પહોંચી જાય છે. આﾍર્યની વાત એ છે કે ત્‍યાં વસતા સેંકડો વાંદરાઓ પણ દરરોજ તેમની આતુરતાથી રાહ જોતા હોય છે. તેઓ આ વાંદરાઓ માટે રોજ ભારે માત્રામાં કેળા, ચણા, રોટલી અને અન્‍ય તાજાં ફળો પોતાની સાથે લઈને આવે છે.

સ્‍થાનિક લોકોના જણાવ્‍યા અનુસાર વિજય કુમાર શર્મા માત્ર એક સામાન્‍ય શોખ તરીકે આ કામ નથી કરતા, તેમણે આ સેવાને ૨૦ વર્ષથી પોતાના જીવનનું મુખ્‍ય મિશન બનાવી લીધું છે. તેઓ પોતાની આજીવિકા અને મહેનતની કમાણીનો એક બહુ મોટો ભાગ આ અબોલ જીવોના ભરણપોષણ પાછળ જ ખર્ચી નાખે છે. તેઓ જેવા નજીક આવે કે જોતજોતાંમાં હજારોની સંખ્‍યામાં વાંદરાઓનું ટોળું તેમની આસપાસ એકઠું થઈ જાય છે. પ્રાણીઓ પ્રત્‍યેની તેમની આ અદ્વુત સંવેદનશીલતા અને સમર્પણને કારણે આખું જયપુર તેમનું સન્‍માન કરે છે. સોશ્‍યલ મીડિયા પર પણ તેમની આ અનોખી સરાહનીય કામગીરીના વીડિયો અવારનવાર વાઇરલ થતા રહે છે.