લોકોના આક્રોશથી બચવા TMC નેતા પલંગ નીચે છુપાઈ ગયા
સરકારી આવાસ યોજનાઓના લાભાર્થીઓ પાસેથી કથિત રીતે રૂ.૫,૦૦૦ થી રૂ.૨૦,૦૦૦ સુધીની રકમ વસૂલી રહ્યા હતા
કૂચ બિહાર,તા.૫: પﾍમિ બંગાળમાં કથિત ‘કટ-મની‘ વિવાદ વચ્ચે, તૃણમૂલ કોંગ્રેસ (TMC) ના સ્થાનિક નેતાનો એક વીડિયો ચર્ચાનો વિષય બન્યો છે. ભારતીય જનતા પાર્ટી (BJP) IT સેલના વડા અમિત માલવિયાએ સોશિયલ મીડિયા પ્લેટફોર્મ ‘X‘ પર એક વીડિયો શેર કર્યો છે. વીડિયોમાં કૂચ બિહાર જિલ્લાના માથાભંગા વિસ્તારના TMC નેતા શાહિદુલ મિયા તેમના ઘરની અંદર એક પલંગ નીચે છુપાયેલા જોવા મળ્યા. વીડિયોમાં, પોલીસ તેમને બહાર કાઢતા પણ દેખાઈ રહી છે.
‘X‘ પર, અમિત માલવિયાએ દાવો કર્યો હતો કે કૂચ બિહારના માથાભંગામાં સ્થાનિકોએ શાહિદુલ મિયાના નિવાસસ્થાનને ઘેરી લીધું હતું. તેમણે આરોપ લગાવ્યો હતો કે શાહિદુલ મિયા સરકારી આવાસ યોજનાઓના લાભાર્થીઓ પાસેથી કથિત રીતે રૂ. ૫,૦૦૦ થી રૂ.૨૦,૦૦૦ સુધીની રકમ વસૂલી રહ્યા હતા. માલવિયાએ પોતાની પોસ્ટમાં લખ્યું: પﾍમિ બંગાળમાં ‘કટ-મની‘ કૌભાંડ હવે એવા દ્રશ્યો સામે આવી રહ્યા છે જે રાજકીય નાટકથી ઓછા નથી. કૂચ બિહારના માથાભંગામાં, સ્થાનિક લોકોએ ટીએમસી નેતા શાહિદુલ મિયાના ઘરને ઘેરી લીધું. લોકોએ તેમના પર સરકારી આવાસ યોજનાઓના લાભાર્થીઓ પાસેથી રૂ. ૫,૦૦૦ થી રૂ. ૨૦,૦૦૦ સુધીની રકમ વસૂલવાનો આરોપ લગાવ્યો.
વીડિયોનો ઉલ્લેખ કરતા, અમિત માલવિયાએ જણાવ્યું કે સ્થાનિક લોકોના વિરોધ વચ્ચે, શાહિદુલ મિયાએ પોતાને બચાવવા માટે તેમના ઘરની અંદર પલંગ નીચે છુપાઈ જવાનો પ્રયાસ કર્યો. ત્યારબાદ, પોલીસે તેમને તે ત્યાંથી બહાર કાઢ્યા. તેમણે લખ્યું, ‘‘લોકોનો ગુસ્સો ભડકી ઉઠ્યો ત્યારે, એક ટીએમસી નેતાએ ગુસ્સે ભરાયેલા ટોળાથી બચવા માટે તેના પલંગ નીચે છુપાઈ જવાનો પ્રયાસ કર્યો. આખરે, પોલીસે તેને બચાવવા માટે તેમના છુપાયેલા સ્થાનમાંથી બહાર કાઢવા પડ્યા. કાકદ્વીપથી નામખાના અને હવે માથાભંગા સુધી, વાર્તા બધે જ સમાન છેઃ ‘કટ-મની‘, ભ્રષ્ટાચાર અને અરાજકતા. જેમ જેમ તપાસનો દોર કડક થઈ રહ્યો છે અને ધરપકડો વધી રહી છે, તેમ તેમ ગરીબોનું શોષણ કરનારાઓ માટે છુપાવવા માટે જગ્યા શોધવી વધુને વધુ મુશ્કેલ બની રહી છે - ખરેખર, પલંગ નીચે છુપાઈને પણ હવે તેમના માટે એક પડકાર બની ગયો છે.''
પﾍમિ બંગાળના કૂચ બિહાર જિલ્લાના માથાભંગા વિસ્તારમાં તૃણમૂલ કોન્ગ્રેસના નેતાઓ અને કાર્યકરોએ ગ્રામજનો પાસેથી એકત્રિત કરેલા ‘કટ મની' પાછા આપવાનું શરૂ કરી દીધું છે. આ ઘટના પચગઢ ગ્રામપંચાયત હેઠળના ફકીરર કુઠી વિસ્તારમાં બની હતી. મોટી સંખ્યામાં ગ્રામજનોને એક ખાસ બેઠક માટે બોલાવવામાં આવ્યા હતા. એક શાળાના મેદાનમાં યોજાયેલી આ બેઠકમાં ઘણા ગ્રામજનોને રોકડ રકમ પાછી આપવામાં આવી હતી. એક ગ્રામજને કહ્યું હતું કે ‘જમીન-વિવાદ ઉકેલવાના નામે મારી પાસેથી મોટી રકમ લેવામાં આવી હતી, પરંતુ કંઈ કરવામાં આવ્યું નહોતું. પછીથી મને ખબર પડી કે પૈસા લોકોને પાછા આપવામાં આવી રહ્યા છે. મેં પણ અરજી કરી અને આજે મને મારા પૈસા પાછા મળી ગયા હતા
(9:58 AM IST)
છેલ્લા 8 દિવસમાં સૌથી લોકપ્રિય 
