તેહરાન તા.૨૧: અમેરિકા અને ઇઝરાયલ સાથે ગત ફેબ્રુઆરી મહિનાથી ચાલી રહેલા યુદ્ધ વચ્‍ચે ઈરાન સરકાર દ્વારા આયોજિત ‘જાનફદા' એટલે કે ‘ઈરાન માટે બલિદાન' રેલીમાં શુક્રવારે તેહરાનમાં લાખો લોકો જોડાયા હતા. આ રેલીમાં હિજાબ પહેરેલી અને હાથમાં ખ્‍ધ્‍-૪૭ રાઇફલો ધરાવતી ઈરાની મહિલાઓ તેહરાનના રસ્‍તાઓ પર ઊતરી આવી હતી. રેલીમાં ભાગ લેનારાઓએ ઈરાની ધ્‍વજ લહેરાવ્‍યા હતા અને અમેરિકા અને ઇઝરાયલ વિરુદ્ધ સૂત્રોચ્‍ચાર કર્યો હતો.

બીજી તરફ તેહરાનમાં જ કેટલીક ઈરાની મહિલાઓએ માથા પર હિજાબ પહેર્યા વિના ૧૦ કિલોમીટરની રેસમાં ભાગ લીધો હતો; આ ઘટનાએ સૌનું ધ્‍યાન ખેંચ્‍યું છે, કારણ કે દેશમાં હિજાબના ફરજિયાત નિયમો હજુ પણ અમલમાં છે. વેલાયત પાર્કમાં શુક્રવારે યોજાયેલી આ રેસ દરમિયાન અનેક સ્‍પર્ધકો ખુલ્‍લા વાળ સાથે જોવા મળ્‍યા હતા; અહીં પુરુષો અને મહિલાઓ માટે અલગ-અલગ સ્‍પર્ધાઓનું આયોજન કરવામાં આવ્‍યું હતું.