યુક્રેનના રાષ્ટ્રપતિએ સાઉદી અરેબિયા, કતાર અને UAE સાથેના સુરક્ષા કરારો અંગે સોશિય મીડિયના માધ્યમથી માહિતી આપી છે. યુક્રેનના રાષ્ટ્રપતિ ઝેલેન્સકીએ જણાવ્યું હતું કે, તેમના દેશે ત્રણ ગલ્ફ દેશો સાથે ડ્રોન કરાર પર હસ્તાક્ષર કર્યા છે. આ કરારનો હેતુ સાઉદી અરેબિયા, કતાર અને સંયુક્ત આરબ અમીરાત (UAE)ને ખૂબ જ ઓછી કિંમતના ડ્રોન અને ડ્રોન ઇન્ટરસેપ્ટર વિકસાવવામાં મદદ કરવાનો છે. ઝેલેન્સકીએ મે મહિનાના અંતમાં ગલ્ફ દેશોની મુલાકાત લીધી હતી, પરંતુ યુક્રેન અને ગલ્ફ દેશો વચ્ચેના કરારોની વિગતો તે સમયે તાત્કાલિક ઉપલબ્ધ નહોતી.

યુક્રેનના રાષ્ટ્રપતિ વોલોદિમીર ઝેલેન્સ્કીએ તાજેતરમાં સાઉદી અરેબિયા, કતાર અને UAE સાથે એક મોટી ડ્રોન ડીલની જાહેરાત કરી છે. આ સમજૂતી હેઠળ યુક્રેન આ દેશોને સસ્તા ડ્રોન અને ઇન્ટરસેપ્ટર બનાવવામાં મદદ કરશે, જેના બદલામાં યુક્રેનને ઊર્જા સુરક્ષા અને આર્થિક સહાય મળશે. આ વ્યૂહાત્મક ભાગીદારી સંરક્ષણ ક્ષેત્રે નવા સમીકરણો રચી રહી છે. ઝેલેન્સ્કીએ સોશિયલ મીડિયા પર સ્પષ્ટ કર્યું કે લાખો ડોલરની મોંઘી મિસાઈલોને બદલે માત્ર 10 હજાર ડોલરના ઇન્ટરસેપ્ટર દ્વારા દુશ્મન ડ્રોનનો નાશ કરી શકાય છે. ઈરાની ડિઝાઇનના મોંઘા ડ્રોન સામે આ એક આર્થિક અને અસરકારક સુરક્ષા કવચ સાબિત થશે.

મે મહિનામાં થયેલી ઝેલેન્સ્કીની અખાતી દેશોની મુલાકાત બાદ આ વિગતો હવે બહાર આવી છે. યુક્રેન પોતાની ડ્રોન કુશળતા આપશે અને બદલામાં તેને રશિયા સામેના યુદ્ધમાં તેના એનર્જી ઈન્ફ્રાસ્ટ્રક્ચરની સુરક્ષા માટે હવાઈ સંરક્ષણ હથિયારો, તેલ, ડીઝલ અને આર્થિક મદદ પ્રાપ્ત થશે.

સાઉદી અરેબિયામાં અમેરિકન એરબેઝ પર યુક્રેનની 'સ્કાઈ મેપ' કમાન્ડ-એન્ડ-કંટ્રોલ સિસ્ટમ તૈનાત કરવામાં આવી છે. આ ટેકનોલોજી રશિયા સામેના યુદ્ધમાં સફળ સાબિત થઈ ચૂકી છે. મહત્વની વાત એ છે કે, યુક્રેનિયન સૈન્યના અધિકારીઓએ પોતે સાઉદી પહોંચીને સૈનિકોને આ સિસ્ટમ ઓપરેટ કરવાની તાલીમ આપી છે. આ ડીલ માત્ર હથિયારોની લે-વેચ નથી, પરંતુ આધુનિક યુદ્ધમાં ડ્રોન ટેકનોલોજીના વધતા મહત્વને દર્શાવે છે. અખાતી દેશો હવે ઓછા ખર્ચે પોતાની સરહદોને વધુ સુરક્ષિત બનાવી શકશે, જ્યારે યુક્રેનને યુદ્ધના સમયમાં જરૂરી સંસાધનો અને આંતરરાષ્ટ્રીય ટેકો મળશે.

દરમિયાન, એ નોંધનીય છે કે યુએસ સૈન્યએ તાજેતરના અઠવાડિયામાં સાઉદી અરેબિયામાં એક મુખ્ય યુએસ એરબેઝ પર યુક્રેનિયન કાઉન્ટર-ડ્રોન ટેકનોલોજી તૈનાત કરી છે. તેનો મુખ્ય હેતુ ડ્રોન હુમલાઓને રોકવાનો છે જેણે તાજેતરમાં ત્યાં સ્થિત વિમાનો અને ઇમારતોને નોંધપાત્ર નુકસાન પહોંચાડ્યું છે. આ બાબતથી પરિચિત સૂત્રોએ જણાવ્યું હતું કે પ્રિન્સ સુલતાન એર બેઝ પર "સ્કાય મેપ" નામનું યુક્રેનિયન કમાન્ડ-એન્ડ-કંટ્રોલ પ્લેટફોર્મ સ્થાપિત કરવામાં આવ્યું છે. રશિયા સામે ચાલી રહેલા યુદ્ધમાં આ ટેકનોલોજીનો સફળતાપૂર્વક ઉપયોગ કરવામાં આવી ચૂક્યો છે. યુક્રેનિયન લશ્કરી અધિકારીઓ તાજેતરના અઠવાડિયામાં બેઝ પર પહોંચ્યા હતા અને સૈનિકોને "સ્કાય મેપ" ના ઉપયોગ પર તાલીમ આપી હતી.