​પટના: ભારતીય સંસ્કૃતિમાં લગ્નપ્રસંગો સાથે અનેકવિધ લોકપરંપરાઓ અને વિશિષ્ટ રીત-રિવાજો જોડાયેલા છે, જેમાં બિહારની પરંપરાગત લગ્નવિધિમાં 'સિંહોરા'નું સ્થાન અનન્ય અને અત્યંત પવિત્ર માનવામાં આવે છે. સ્ત્રીના અખંડ સુહાગ અને સૌભાગ્યનું ચિહ્ન ગણાતો સિંહોરા એક ખાસ પ્રકારનું કાષ્ઠનું પાત્ર છે, જેના વગર બિહારી લગ્નની વિધિ અધૂરી ગણાય છે.

​આ પવિત્ર સિંહોરાનું નિર્માણ કોઈપણ સાધારણ લાકડામાંથી નથી થતું, પરંતુ તેને બનાવવા માટે એક ખાસ પ્રકારના વૃક્ષના લાકડાનો ઉપયોગ કરવામાં આવે છે. એટલું જ નહીં, તેના પર કરવામાં આવતો રંગ પણ કોઈ સામાન્ય કેમિકલયુક્ત પેઇન્ટ નથી હોતો, પરંતુ પરંપરાગત અને કુદરતી પદ્ધતિથી તૈયાર કરાયેલા વિશિષ્ટ રંગો વડે તેને સજાવવામાં આવે છે. અત્યંત કુશળ ક કારીગરો દ્વારા આ કલાત્મક અને ધાર્મિક મહત્વ ધરાવતા સિંહોરાને આકાર આપવામાં આવે છે. લગ્નપ્રસંગ દરમિયાન કન્યાને આપવામાં આવતો આ સિંહોરા જીવનભર તેના સુહાગનું પ્રતીક બની રહે છે, જેના કારણે તેનું સાંસ્કૃતિક તેમજ ધાર્મિક મૂલ્ય અનન્ય છે.