નવી દિલ્‍હી તા.૨: ૧. રક્ષાબંધન-તહેવારોમાં UPIેનો ડંકો, રૂા.૨૯.૮૨ લાખ કરોડના ટ્રાન્‍ઝેક્‍શનથી નવો રેકોર્ડ!

ભારતમાં ડિજિટલ પેમેન્‍ટ સિસ્‍ટમે ફરી એકવાર નવો ઇતિહાસ રચ્‍યો છે. રક્ષાબંધન અને તહેવારોની મોસમમાં યુનિફાઇડ પેમેન્‍ટ્‍સ ઇન્‍ટરફેસ (UPI) દ્વારા નાણાકીય વ્‍યવહારોમાં જબરદસ્‍ત ઉછાળો જોવા મળ્‍યો છે. નેશનલ પેમેન્‍ટ્‍સ કોર્પોરેશન ઓફ ઇન્‍ડિયા (NPCI) દ્વારા જાહેર કરાયેલા તાજેતરના આંકડા મુજબ, ઓગસ્‍ટ ૨૦૨૬ માં દેશમાં કુલ રૂા.૨૯.૮૨ લાખ કરોડના મૂલ્‍યના યુપીઆઈ ટ્રાન્‍ઝેક્‍શન નોંધાયા છે, જે વાર્ષિક ધોરણે ૨૦ ટકાનો વધારો દર્શાવે છે.

૨. ટ્રાન્‍ઝેક્‍શનની સંખ્‍યામાં ૨૨ ટકાનો વાર્ષિક વધારો

ઓગસ્‍ટ મહિનામાં ટ્રાન્‍ઝેક્‍શનની સંખ્‍યાએ પણ તમામ જૂના રેકોર્ડ તોડી નાખ્‍યા છે. જુલાઈ મહિનામાં ૨૩૬૬ કરોડ ટ્રાન્‍ઝેક્‍શન સામે ઓગસ્‍ટમાં આ આંકડો વધીને ૨૪૫૧ કરોડના ઓલ-ટાઇમ હાઇ લેવલે પહોંચી ગયો છે. ગયા વર્ષે ઓગસ્‍ટ ૨૦૨૫ માં ૧૯૬૩ કરોડ ટ્રાન્‍ઝેક્‍શન થયા હતા, જેની સરખામણીએ આ વર્ષે ૨૨ ટકાનો જંગી વધારો નોંધાયો છે.

૩. રક્ષાબંધન અને તહેવારોની ભેટનો મળ્‍યો લાભ

કેશફ્રી પેમેન્‍ટ્‍સના સહ-સ્‍થાપક રિજૂ દત્તાના જણાવ્‍યા મુજબ, ઓગસ્‍ટ મહિનામાં રક્ષાબંધન જેવા પવિત્ર તહેવારને કારણે પર્સન-ટુ-પર્સન (P2P) મની ટ્રાન્‍સફર અને નાની રકમોની ડિજિટલ ભેટ આપવાના વ્‍યવહારોમાં નોંધપાત્ર વધારો થયો છે. નાના વેપારીઓથી લઈને સામાન્‍ય નાગરિકો સુધી યુપીઆઈનો ઉપયોગ હવે રોજિદી જીવનશૈલીનો અવિભાજ્‍ય અંગ બની ગયો છે.

૪. વિશ્વના ૧૧ દેશોમાં ગુજંયો UPI નો ડંકો

વર્ષ ૨૦૧૬ માં શરૂ થયેલું યુપીઆઈ આજે માત્ર ભારતમાં જ નહીં પરંતુ વૈશ્વિક સ્‍તરે ડંકો વગાડી રહ્યું છે. હાલમાં સિગાપોર, યુએઈ, ફ્રાન્‍સ, મોરિશિયસ, નેપાળ, ભુતાન, કતાર, શ્રીલંકા, કમ્‍બોડિયા, ગ્રીસ અને તાજેતરમાં જોડાયેલા ઉઝબેકિસ્‍તાન સહિત ૧૧ દેશોમાં યુપીઆઈ પેમેન્‍ટ સ્‍વીકારવામાં આવી રહ્યું છે.

૫. ૪૦૦૦ ગણો અભૂતપૂર્વ ગ્રોથ

નાણાકીય વર્ષ ૨૦૧૬-૧૭ માં માત્ર ?૦.૦૭ લાખ કરોડથી શરૂ થયેલી આ સફળતાની સફર નાણાકીય વર્ષ ૨૦૨૫-૨૬ સુધીમાં રૂા.૩૧૪ લાખ કરોડના આંકડાને સ્‍પર્શી ગઈ છે, જે એક દશકામાં ૪૦૦૦ ગણો અભૂતપૂર્વ ગ્રોથ દર્શાવે છે.