તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મુંબઈમાં લોકલ ટ્રેન અટકી જતાં હોબાળોઃ પાટા પર ચાલતા જતા લોકોને કચડી નાખ્યાઃ ૩ના મોત
મુંબઈની લાઇફલાઇન ગણાતી લોકલ ટ્રેન સેવા સોમવારે ગંભીર ટેકનિકલ ખામીને કારણે ખોરવાઈ ગઈ
મુંબઈ તા.૨૭: મુંબઈની લાઇફલાઇન ગણાતી લોકલ ટ્રેન સેવા સોમવારે ગંભીર ટેક્રિકલ ખામીને કારણે ખોરવાઈ ગઈ હતી. કાંજુરમાર્ગ સ્ટેશન નજીક સિગ્નલિગ રૂમમાં આગ લાગવા અને ઓવરહેડ વાયર સંબંધિત સમસ્યાને કારણે ટ્રેનોની અવરજવર કલાકો સુધી પ્રભાવિત રહી હતી. ટ્રેનો લાંબા સમય સુધી અટકી રહેતાં પરેશાન થયેલા કેટલાક મુસાફરો પાટા પર ઉતરીને પગપાળા આગળના સ્ટેશન તરફ જવા લાગ્યા હતા. આ દરમિયાન રેલવે ટ્રેક પર ત્રણ લોકોનાં મોત થયાના અહેવાલ સામે આવ્યા છે. મૃતકોમાં બે લોકો ઘાટકોપર-વિક્રોલી રેલવે માર્ગ પર મૃત હાલતમાં મળી આવ્યા હતા, જ્યારે ભાંડુપમાં ખ્ઘ્ લોકલ ટ્રેનની અડફેટે આવતાં એક કોલેજ વિદ્યાર્થીનું મોત થયું હતું. મધ્ય રેલવેએ સમગ્ર ઘટનાની તપાસના આદેશ આપ્યા છે.
પ્રાથમિક માહિતી અનુસાર, સોમવારે સવારે લગભગ ૯:૩૦થી ૧૦ વાગ્યાની વચ્ચે કાંજુરમાર્ગ સ્ટેશન નજીક સિગ્નલિગ વ્યવસ્થામાં ગંભીર ખામી સર્જાઈ હતી. રેલવે અધિકારીઓના જણાવ્યા મુજબ, સિગ્નલિગ રૂમમાં આગ લાગવાને કારણે સિગ્નલ બંધ થઈ ગયા હતા. તેના કારણે કાંજુરમાર્ગ અને આસપાસના રેલવે ટ્રેક પર ટ્રેનોની અવરજવર અટકી ગઈ હતી.
આ પહેલાં સવારે ૯:૨૩ વાગ્યે મુલુંડ અને થાણે વચ્ચે ડાઉન સ્લો લાઇન પર ઓવરહેડ ઇક્વિપમેન્ટ (OHE) સાથે સંબંધિત એક વાયર લટકતો જોવા મળ્યો હતો. આ સમસ્યાને સુધારવા માટે સવારે આશરે ૧૦ વાગ્યે ઓવરહેડ ઉપકરણો સંબંધિત બ્લોક લેવામાં આવ્યો હતો. લગભગ એક કલાકની કામગીરી બાદ આ ખામી દૂર કરવામાં આવી હતી, પરંતુ એ જ દરમિયાન કાંજુરમાર્ગ ખાતે સિગ્નલિગ સિસ્ટમ ખોરવાતાં પરિસ્થિતિ વધુ ગંભીર બની ગઈ હતી.
સિગ્નલિગ સિસ્ટમ બંધ થઈ જવાથી અપ અને ડાઉન બંને દિશામાં દોડતી સ્લો અને ફાસ્ટ લોકલ ટ્રેનોની સેવાઓ પ્રભાવિત થઈ હતી. કેટલીક જગ્યાએ ટ્રેનો એક કલાકથી વધુ સમય સુધી પાટા પર ઊભી રહી હતી.
મધ્ય રેલવેની મુખ્ય લાઇન પર મુંબઈના છત્રપતિ શિવાજી મહારાજ ટર્મિનસ (CSMT)થી થાણે, કલ્યાણ અને આસપાસના વિસ્તારો તરફ મુસાફરી કરતા લોકોને ભારે મુશ્કેલીનો સામનો કરવો પડ્યો હતો. લાંબા અંતરની કેટલીક ટ્રેનોની અવરજવર પર પણ અસર પડી હતી.
રેલવે અધિકારીઓના જણાવ્યા અનુસાર, કાંજુરમાર્ગથી ભાંડુપ વચ્ચે પાંચમી અને છઠ્ઠી લાઇન સહિત કુલ છ લાઇન પર આશરે ૨૪ સિગ્નલ પ્રભાવિત થયા હતા. પાંચમી અને છઠ્ઠી લાઇનનો ઉપયોગ લાંબા અંતરની ટ્રેનો ચલાવવા માટે પણ કરવામાં આવે છે.
સિગ્નલિગ વ્યવસ્થા ખોરવાયા બાદ રેલવેએ ટ્રેનોની અવરજવર નિયંત્રિત કરવા માટે વૈકલ્પિક પ્રક્રિયા અપનાવી હતી. વિક્રોલી અને ભાંડુપ વચ્ચે ડાઉન લોકલ તથા ફાસ્ટ લાઇન અને અપ સ્લો તથા ફાસ્ટ લાઇન પર વિશેષ વ્યવસ્થા લાગુ કરવામાં આવી હતી. કેટલીક ટ્રેનોને ખાસ મંજૂરી હેઠળ ચલાવવામાં આવી હતી, જેથી સેવાઓ સંપૂર્ણપણે બંધ રાખવાને બદલે મર્યાદિત પ્રમાણમાં ચાલુ રાખી શકાય.
સોમવારે સવારે મોટી સંખ્યામાં લોકો નોકરી અને અન્ય કામ માટે રેલવે સ્ટેશનો પર પહોંચ્યા હતા. જોકે, લાંબા સમય સુધી ટ્રેનો આગળ ન વધતાં અને પરિસ્થિતિ અંગે સ્પષ્ટ માહિતી ન મળતાં મુસાફરોની મુશ્કેલીઓ વધી ગઈ હતી. કેટલાક મુસાફરોએ દાવો કર્યો હતો કે ટ્રેનની અંદર અથવા સ્ટેશન પર આગળની સ્થિતિ અંગે યોગ્ય જાહેરાત કરવામાં આવી નહોતી. આ કારણે ટ્રેન ક્યારે શરૂ થશે તેની જાણકારી મુસાફરોને મળી રહી નહોતી.
લાંબા સમય સુધી રાહ જોયા બાદ કેટલાક મુસાફરો ટ્રેનમાંથી ઉતરીને રેલવે પાટા પર પગપાળા ચાલવા લાગ્યા હતા. આ ઘટનાને કારણે મુસાફરોની સુરક્ષા અંગે ચિતા વધી ગઈ હતી. રેલવે પ્રશાસને લોકોને અપીલ કરી હતી કે તેઓ ટ્રેનમાંથી ઉતરીને પાટા પર ચાલવાનું ટાળે, કારણ કે આ પ્રકારનું જોખમી પગલું ગંભીર અકસ્માતનું કારણ બની શકે છે
(9:53 AM IST)
છેલ્લા 8 દિવસમાં સૌથી લોકપ્રિય 
