વોશિંગ્‍ટન,તા.૦૧: યુનાઇટેડ સ્‍ટેટ્‍સ ડિપાર્ટમેન્‍ટ ઓફ ધ ટ્રેઝરી દ્વારા તેના નવીનતમ પ્રતિબંધ અપડેટના ભાગ રૂપે ચાર ભારતીય એન્‍ટિટીઓને તેની સ્‍પેશિયલી ડેઝિગ્નેટેડ નેશનલ્‍સ (SDN) લિસ્‍ટમાંથી દૂર કરવામાં આવી છે.

ડિલિસ્‍ટ કરાયેલી એન્‍ટિટીઓમાં હૈદરાબાદ સ્‍થિત RRG એન્‍જિનિયરિગ ટેક્રોલોજીસ પ્રાઇવેટ લિમિટેડ અને લોકેશ મશીન્‍સ લિમિટેડ, અમદાવાદ સ્‍થિત ગેલેક્‍સી બેરિગ્‍સ લિમિટેડ અને દિલ્‍હી સ્‍થિત શૌર્ય એરોનોટિક્‍સ પ્રાઇવેટ લિમિટેડનો સમાવેશ થાય છે.

આ ચારેય એન્‍ટિટીઓને અગાઉ એક્‍ઝિક્‍યુટિવ ઓર્ડર ૧૪૦૨૪ હેઠળ નિયુક્‍ત કરવામાં આવી હતી, જે રશિયા સાથે જોડાયેલી પ્રવૃત્તિઓને લક્ષ્ય બનાવે છે. SDN લિસ્‍ટના વ્‍યાપક અપડેટ સાથે દૂર કરવાની જાહેરાત કરવામાં આવી હતી જેમાં મેક્‍સિકોમાં ડ્રગ ટ્રાફિકિંગ નેટવર્ક સાથે જોડાયેલા અનેક વ્‍યક્‍તિઓ અને એન્‍ટિટીઓનો સમાવેશ થતો હતો.

એક નિવેદનમાં, ટ્રેઝરી ઓફિસ ઓફ ફોરેન એસેટ્‍સ કંટ્રોલ (OFAC) એ જણાવ્‍યું હતું કે તેણે જાન્‍યુઆરીથી માર્ચ ૨૦૨૬ ના સમયગાળા માટે ટ્રેડ સેન્‍ક્‍શન્‍સ રિફોર્મ એન્‍ડ એક્‍સપોર્ટ એન્‍હાન્‍સમેન્‍ટ એક્‍ટ (TSRA) હેઠળ હાથ ધરવામાં આવેલી લાઇસન્‍સિંગ પ્રવૃત્તિઓ પરનો તેનો ત્રિમાસિક અહેવાલ બહાર પાડ્‍યો છે.

OFAC એ એવી પણ જાહેરાત કરી હતી કે તેણે સ્‍પેશિયલી ડેઝિગ્નેટેડ નેશનલ્‍સ અને બ્‍લોક્‍ડ પર્સન્‍સ લિસ્‍ટ અપડેટ કર્યું છે, જેમાં પ્રતિબંધ રજિસ્‍ટરમાંથી એન્‍ટિટી અને વ્‍યક્‍તિઓના ઉમેરા અને દૂર કરવાનો સમાવેશ થાય છે