વોશિંગ્ટન: અમેરિકી સેન્ટ્રલ કમાન્ડે ૪ મેથી હોર્મુઝની સામુદ્રધુનીમાં વ્યાપારી જહાજોની મુક્ત અવરજવર સુનિશ્ચિત કરવા માટે 'પ્રોજેક્ટ ફ્રીડમ'ની શરૂઆત કરી છે. રાષ્ટ્રપતિના નિર્દેશ મુજબ શરૂ થયેલા આ મિશનમાં ગાઈડેડ મિસાઈલ ડિસ્ટ્રોયર્સ, ૧૦૦ થી વધુ એરક્રાફ્ટ અને માનવરહિત પ્લેટફોર્મ સાથે ૧૫,૦૦૦ થી વધુ સૈનિકોને તૈનાત કરવામાં આવ્યા છે. 

આ સાથે જ અમેરિકન સંરક્ષણ વિભાગ પેન્ટાગોને કેરેબિયન અને પૂર્વ પેસિફિક સમુદ્રમાં ડ્રગ્સની હેરાફેરી કરતી શંકાસ્પદ બોટ સામે મોટા પાયે અભિયાન તેજ કર્યું છે. પ્રાપ્ત અહેવાલો મુજબ, આ મહિને જ ૭ હુમલાઓ કરવામાં આવ્યા છે, જ્યારે સપ્ટેમ્બરથી અત્યાર સુધીમાં કુલ ૫૪ હુમલાઓમાં ઓછામાં ઓછા ૧૮૫ લોકો માર્યા ગયા છે. 

અલ સાલ્વાડોર અને પ્યુર્ટો રિકોના બેઝ પરથી એમક્યુ-૯ રીપર ડ્રોન અને એરક્રાફ્ટનો ઉપયોગ વધારી દેવામાં આવ્યો છે. આ કડક કાર્યવાહીને કારણે શંકાસ્પદ ડ્રગ્સ બોટના છટકી જવાના કિસ્સાઓ ૫૦ ટકાથી ઘટીને ૨૫ ટકા થઈ ગયા છે. વૈશ્વિક વેપાર અને સુરક્ષા માટે આ પગલાં મહત્વપૂર્ણ છે. *