અમેરિકન રાષ્ટ્રપતિ ડોનાલ્ડ ટ્રમ્પ વ્હાઇટ હાઉસ પરત ફર્યા ત્યારે તેમણે ઈરાન તરફથી રાત્રે કોઈ પ્રતિભાવ મળ્યો છે કે કેમ તે અંગે કંઈપણ કહેવાનો ઇનકાર કર્યો હતો.
અમેરિકા અને ઈરાન વચ્ચે ચરમસીમાએ પહોંચેલા તણાવ વચ્ચે અમેરિકન રાષ્ટ્રપતિ ડોનાલ્ડ ટ્રમ્પના વલણ પર સૌની નજર ટકેલી છે. ગઈકાલે રાત્રે જ્યારે રાષ્ટ્રપતિ ટ્રમ્પ વ્હાઇટ હાઉસ ખાતે પરત ફર્યા ત્યારે ત્યાં હાજર પત્રકારોએ તેમને ઈરાન મુદ્દે સવાલો કર્યા હતા. 

 પત્રકારો જાણવા માંગતા હતા કે શું અમેરિકાને ગઈકાલે રાત્રે ઈરાન તરફથી કોઈ સત્તાવાર જવાબ કે સંદેશો મળ્યો છે કે કેમ. જોકે, રાષ્ટ્રપતિ ડોનાલ્ડ ટ્રમ્પે આ અત્યંત સંવેદનશીલ મુદ્દે સંપૂર્ણ મૌન સેવ્યું હતું અને પત્રકારો સાથે વાત કરવાનું ટાળ્યું હતું. તેમનું આ મૌન અનેક અટકળોને જન્મ આપી રહ્યું છે. રાજકીય નિષ્ણાતો માની રહ્યા છે કે પડદા પાછળ મોટી કૂટનીતિક ગતિવિધિઓ ચાલી રહી છે અથવા અમેરિકન સરકાર આગળની રણનીતિ નક્કી કરવા માટે ઈરાનના આગામી પગલાંની રાહ જોઈ રહી છે.