તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
અમેરિકાએ ભારતીયો માટેનાં EB-5 ઇન્વેસ્ટર ગ્રીન કાર્ડ ઓક્ટોબર સુધી રોકી દીધાં
વાર્ષિક ક્વોટા ખતમ થઈ ગયો
મુંબઇ તા.૧૭: વાર્ષિક ક્વોટા ખતમ થતાં અમેરિકાએ ભારતીયો માટેનાં EB-5 (એમ્પ્લોયમેન્ટ બેઝ્ડ ફિફથ પ્રેફરન્સ) ઇન્વેસ્ટર ગ્રીન કાર્ડ ઓક્ટોબર સુધી રોકી દીધાં છે. પાંચમી જૂને ઉપલબ્ધ ક્વોટા ખતમ થયા પછી અમેરિકાએ આ પગલું લીધું હતું અને ભારતીયોમાં સૌથી પોપ્યુલર EB-5 ઇન્વેસ્ટર ગ્રીન કાર્ડની વાર્ષિક ફાળવણી અટકાવી દીધી છે. આગામી નાણાકીય વર્ષ ૧ ઓક્ટોબરથી શરૂ થશે ત્યારે નવા વીઝા-નંબરો ઉપલબ્ધ થવાની અપેક્ષા છે. EB-5 પ્રોગ્રામ વિદેશી નાગરિકોને અમેરિકામાં વ્યવસાયોમાં રોકાણ કરીને અને નોકરીઓનું સર્જન કરીને કાયમી રહેઠાણનો માર્ગ પ્રદાન કરે છે.
EB-5 પ્રોગ્રામ એવા વિદેશી નાગરિકો માટે કાયમી રહેઠાણનો માર્ગ પૂરો પાડે છે જેઓ અમેરિકામાં વ્યવસાયોમાં રોકાણ કરે છે અને નોકરીઓનું સર્જન કરે છે. વર્તમાન નિયમો અનુસાર યુએસ સિટિઝનશિપ એન્ડ ઇમિગ્રેશન સર્વિસીસ (USCIS) કહે છે કે અરજદારોએ લક્ષિત રોજગાર ક્ષેત્ર અથવા ઇન્ફ્રાસ્ટ્રક્ચર પ્રોજેક્ટમાં ઓછામાં ઓછા ૮,૦૦,૦૦૦ ડોલર (આશરે ૭.૫૬ કરોડ રૂપિયા) અથવા અન્ય પ્રોજેક્ટ્સમાં ૧૦.૫ લાખ ડોલર (આશરે ૯.૯૨ કરોડ રૂપિયા)નું રોકાણ કરવું જરૂરી છે.
રોકાણકારોએ લાયક અમેરિકન કામદારો માટે ઓછામાં ઓછી ૧૦ કાયમી પૂર્ણ સમયની નોકરીઓ પણ બનાવવી અથવા સાચવવી આવશ્યક છે. આ કાર્યક્રમ કોન્ગ્રેસ દ્વારા નિર્ધારિત વાર્ષિક મર્યાદાઓ તેમ જ દેશ-વિશિષ્ટ મર્યાદાઓને આધીન છે જે કોઈ પણ એક દેશના નાગરિકો માટે ઉપલબ્ધ વીઝાની સંખ્યાને પ્રતિબંધિત કરે છે.
આ સસ્પેન્શન પરંપરાગત EB-૫ વીઝા-પૂલ પર લાગુ પડે છે, જેને અનરિઝર્વ્ડ કેટેગરી તરીકે ઓળખવામાં આવે છે. સ્ટેટ ડિપાર્ટમેન્ટ અનુસાર EB-5 વીઝાના ૬૮ ટકા આ અનરિઝર્વ્ડ કેટેગરીમાં ફાળવવામાં આવે છે. આ પગલાથી ચ્ગ્-૫ અનરિઝર્વ્ડ રૂટ દ્વારા ઇમિગ્રન્ટ વીઝા મેળવવા માગતા ભારતીય નાગરિકોને અસર થશે. જે અરજદારોના કેસ મંજૂરી માટે તૈયાર છે તેમને હવે વીઝા જારી કરવામાં આવે અથવા કાયમી નિવાસી દરજ્જો આપવામાં આવે એ પહેલાં આગામી નાણાકીય વર્ષની શરૂઆત સુધી રાહ જોવી પડી શકે છે.(
(3:43 PM IST)
છેલ્લા 8 દિવસમાં સૌથી લોકપ્રિય 
