તમિલનાડુ: રાજયના રાજકારણમાં ‘વ્હાઇટ પેપર’ને લઈને નવો વિવાદ ઉભો થયો છે. અભિનેતા-રાજકારણી C. Joseph Vijayની આગેવાની હેઠળની TVK સરકાર દ્વારા રજૂ કરાયેલા વ્હાઇટ પેપર પર DMKએ ગંભીર સવાલો ઉઠાવ્યા છે. DMKના નેતાઓએ આરોપ લગાવ્યો છે કે દસ્તાવેજના કેટલાક ભાગો અગાઉ ઉપલબ્ધ સરકારી અહેવાલો અને જાહેર દસ્તાવેજોમાંથી લેવામાં આવ્યા છે અને તેમાં મૌલિકતાનો અભાવ છે. 

DMKનું કહેવું છે કે રાજ્યની આર્થિક સ્થિતિ અને વહીવટી વ્યવસ્થાને લઈને રજૂ કરાયેલા આ દસ્તાવેજમાં નવી માહિતી ઓછી છે અને રાજકીય પ્રચાર વધુ છે. બીજી તરફ TVKએ આ આરોપોને ફગાવી દીધા છે અને દાવો કર્યો છે કે વ્હાઇટ પેપર રાજ્યની વાસ્તવિક સ્થિતિ જનતા સમક્ષ મૂકવા માટે તૈયાર કરવામાં આવ્યું છે. 

તાજેતરના સમયમાં DMK અને TVK વચ્ચે રાજકીય ટકરાવ સતત વધી રહ્યો છે. DMK પ્રમુખ M. K. Stalin અગાઉ પણ TVK સરકારની નીતિઓ અને કામગીરી અંગે આકરા પ્રહાર કરી ચૂક્યા છે, જ્યારે TVK તરફથી DMK પર ભૂતકાળની વહીવટી ખામીઓ અને નાણાકીય ગેરવ્યવસ્થાના આરોપો મૂકવામાં આવ્યા છે. 

આ વ્હાઇટ પેપર વિવાદને કારણે તમિલનાડુના રાજકારણમાં ફરી એકવાર આરોપ-પ્રત્યારોપનો દોર શરૂ થયો છે અને આગામી દિવસોમાં આ મુદ્દે વધુ રાજકીય ગરમાવો જોવા મળી શકે છે.