તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સેન્ટ્રલ જેલના કેદી અતુલપરી ગોસ્વામીનું બિમારીને કારણે મોત
જેલમાંથી સારવારમાં ખસેડાયા પણ દમ તોડી દીધો
રાજકોટ તા. ૨૯: પોપટપરામાં સેન્ટ્રલ જેલ ખાતે પાકા કામના કેદી તરીકે રખાયેલા પ્રોૈઢનું સારવાર દરમિયાન મૃત્યુ થયું છે. અતુલપરી અમૃતપરી ગોસ્વામી (ઉ.વ.૫૭) નામના કેદીને ગત સાંજે જેલમાંથી બીમારીની સારવાર માટે સિવિલ હોસ્પિટલમાં ખસેડાયા હતાં. પરંતુ અહિ ટુંકી સારવાર બાદ દમ તોડી દીધો હતો.
હોસ્પિટલ ચોકીના સ્ટાફે બનાવની જાણ કરતાં પ્ર.નગર પોલીસે કાર્યવાહી કરી હતી. મૃત્યુ પામનાર અતુલપરી રાજકોટના વતની હતાં અને ચેક રીટર્નના કેસમાં જેલમાં હોવાનું હવાલદારે જણાવ્યું હતું.
(2:33 PM IST)
