રાજકોટ તા. ૨૯ : છેલ્લા ૧૦ વર્ષ દરમ્‍યાનﾠ‘આધાર'ﾠઓળખનાં સૌથી સ્‍વીકૃત પુરાવા તરીકે થઇ આવેલ છે. જેમાં બાયોમેટ્રીક પ્રમાણીકરણથી રહિશની ઓળખ કરવાની જોગવાઈ છે. રહીશો/જાહેર જનતા દ્વારા વિવિધ પ્રકારની સરકારી સેવાઓનો લાભ લેવા માટે આધારનો ઉપયોગ કરવામાં આવે છે. સરકારની અલગ-અલગ યોજનાકીય લાભ મેળવવા માટે આધારની વિગતો સમયાંતરે અપડેટ કરવી જરૂરી છે.

આ પ્રકારનાં ડોક્‍યુમેન્‍ટ અપડેટ કરાવવા માટે રાજકોટ મહાનગરપાલિકાની ઝોનલ કચેરીઓનાં આધાર કેન્‍દ્રો (૧) ડો.આંબેડકર ભવન,ﾠસેન્‍ટ્રલ ઝોન,ﾠગ્રાઉન્‍ડ ફલોર,ﾠઢેબરભાઈ રોડ,ﾠરાજકોટ, (૨) ઝવેરચંદ મેઘાણી વિભાગીય કચેરી,ﾠપૂર્વ ઝોન,ﾠભાવનગર રોડ,ﾠરાજકોટ તથા (૩) હરિસિંહજી ગોહિલ વિભાગીય કચેરી,ﾠવેસ્‍ટ ઝોન,ﾠ૧૫૦ﾠરીંગ રોડ,ﾠરાજકોટ ખાતે કચેરીનાં કામગીરીનાં સમય દરમ્‍યાન તેમજ બીજા અને ચોથા શનિવારનાં રોજ સવારે ૧૦ કલાક થી સાંજે ૬.૧૦ કલાક સુધીમાં નિયત ફી સાથે કરાવી શકશે.

તેમજ વિશેષ માહિતગાર કરવાનાં કે,ﾠ૧૦ વર્ષ સુધી આધાર કાર્ડ અપડેટ કરાવેલ ન હોય તેવા રહીશોﾠUIDAIﾠની વેબસાઈટ-ﾠhttps://myaadhaar. uidai. gov.in/ પરથી તા.૧૪ સપ્‍ટેમ્‍બર સુધી વિનામુલ્‍યે તેમનાં આધાર કાર્ડમાં ડોક્‍યુમેન્‍ટ અપડેટ કરાવી શકે છે. જેની જાહેર જનતાએ નોંધ લેવા વિનંતી.