તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
શૈક્ષણિક મહાસંઘ દ્વારા મુખ્યમંત્રી અને શિક્ષણમંત્રીનું સન્માન
રાજકોટઃ ગુજરાત રાજયની પ્રાથમિક શાળાઓમાં ફરજ બજાવતા મુખ્ય શિક્ષક ના બદલીના નિયમો જાહેર કરવા બદલ મુખ્ય શિક્ષક )શૈક્ષણિક મહાસંઘ - ગુજરાત દ્વારા મુખ્યમંત્રી શ્રી ભૂપેન્દ્રભાઈ પટેલ, શિક્ષણ મંત્રીશ્રી ડો. કુબેરભાઈ ડીંડોર સાહેબનું ગાંધીનગર જિલ્લાના ડભોડા ખાતે અભિવાદન કરવામાં આવ્યું હતું. આ અવસરે મુખ્યમંત્રીશ્રીએ શિક્ષકો દ્વારા થઈ રહેલ વિદ્યાર્થી ઘડતરના કામની સરાહના કરતાં જણાવ્યું હતું કે, વડાપ્રધાન શ્રી નરેન્દ્રભાઈ મોદીએ શિક્ષકો-ગુરુજનોને કંકરમાંથી શંકરનું નિર્માણ કરનારા ગણાવ્યા છે. તેમણે દેશના ‘ગ્રોથ એન્જિન'બનેલ ગુજરાતને તેજ ગતિથી આગળ ધપાવવા સહિયારા પ્રયાસો કરવા આહવાન કર્યું હતું. આ પ્રસંગે શિક્ષણ રાજયમંત્રી શ્રી પ્રફુલભાઈ પાનસેરીયા, શિક્ષક મિત્રો તથા અન્ય મહાનુભાવો ઉપસ્થિત રહ્યા હતા.
(2:46 PM IST)
