રાજકોટઃ શહેરમાં વીજચોરી ઝડપી લેવા તંત્ર દ્વારા દરરોજ દરોડા પડાય છે, ત્રણ દિવસમાં ૬પ લાખની ડાયરેકટ વીજ ચોરી ઝડપાઇ છે. આજે પણ ૩૬ ટીમો દ્વારા ખોખડદળ, વાવડી અને મવડી બસ ડિવીઝનના વિસ્‍તારોમાં સવારથી ચેકીંગ શરૂ કરાયું છે, જેમાં લોઠડા ગામ, હાઇવે પરના કોર્મશીયલ સંકૂલો, લોઠડા-પીપળીયા રોડ પરના પેટ્રોલ પંપો ઉપર દરોડા પડાયા છે. આ ઉપરાંત બાલાજી પાર્ક, સુમંગલ-સોરઠીયા પાર્ક, કોઠારીયા ગામ, રસૂલપરા, રામનગર, મોહમદી બાગ-આવકાર, આગમન સોસાયટી, ખોડીયાર-આંબેડકર-ચામુંડા નગરમાં ટીમો ત્રાટકી છે.