રાજકોટઃ રામનાથપરા જૂની જેલ પાસે એક શખ્‍સ ચોરાઉ બાઇક સાથે ઉભો હોવાની એ-ડીવીઝન પોલીસ મથકના હેડ કોન્‍સ. અજયભાઇ બસીયા અને કોન્‍સ. રમેશભાઇ માલકીયાને બાતમી મળતા સ્‍ટાફ સાથે દરોડો પાડી હાર્દિક કાનાભાઇ જાદવ (ઉ.વ. ર૬) (રહે. ઢાંઢણી ગામ) ને ચોરાઉ બાઇક સાથે પકડી લઇ તેની પુછપરછ કરતા તેણે વધુ એક બાઇક ચોરી કર્યાની કબુલાત આપતા પોલીસે બે બાઇક કબ્‍જે કરી વધુ તપાસ હાથ ધરી છે. આ કામગીરી પી.આઇ. આર. જી. બારોટના માર્ગદર્શન હેઠળ એ.એસ.આઇ. એમ. વી. લુવા, બી. વી. ગોહિલ, હેડ કોન્‍સ. અજયભાઇ બસીયા, કોન્‍સ. ભગીરથસિંહ ઝાલા, ધારાભાઇ ગઢવી, રમેશભાઇ માલકીયા, ધવલકુમાર જીલડીયા, સંજયભાઇ ચૌહાણ દ્વારા કરવામાં આવી હતી.