રાજકોટઃ શહેરના ગોંડલ રોડ પર વાવડી વિસ્‍તારમાં એક પાંચ વર્ષની બાળકી પરિવારથી વિખુટી પડી ગયેલી હાલતમાં આટાફેરા કરતી હોઇ જાગૃત નાગરિકે જાણ કરતાં પોલીસ કન્‍ટ્રોલ રૂમ તરથી મહિલા શી ટીમને જાણ કરી તપાસ કરવાનું કહેવાતા શી ટીમના ઇન્‍ચાર્જ મહિલા કોન્‍સ. જાગૃતિબેન, મુક્‍તાબેન, હંસાબેન અને ડ્રાઇવર પાર્થભાઇએ ત્‍યાં પહોંચી પુછતાછ કરતાં બાળાએ હિન્‍દી ભાષામાં પોતાનું નામ પ્રગતિ અને પિતાનું નામ કિરણભાઇ જણાવ્‍યું હતું. શી ટીમે આસપાસની તપાસ કરતાં વાવડીમાં રહેતાં તેના માતા-પિતા મળી આવતાં આધારકાર્ડ વગેરે ચેક કરી ખરાઇ કરી બાળકીનો કબ્‍જો સોંપાતાં તેમણે શી ટીમનો આભાર માન્‍યો હતો. બાળકી રમતાં રમતાં ભુલી પડી ગઇ હતી.