રાજકોટ તા. ૧૯: દારૂના અન્‍ય દરોડામાં ક્રાઇમ બ્રાંચની ટીમે કુવાડવા નજીક સાતડા ગામની સીમમાં બાતમીને આધારે સ્‍વીફટ કારને આંતરી લઇ તપાસ કરતાં અંદરથી રૂા. ૩૦ હજારનો ૧૫૦ લિટર દેશી દારૂ મળતાં ચાલક અનકુ ભીખુભાઇ ચાવડા (ઉ.વ.૪૪-રહે. વેલનાથ સોસાયટી, ખોખડદ નદીના પુલ પાસે)ને પકડી લઇ દારૂ, બે લાખની કાર, મોબાઇલ ફોન મળી રૂા. ૨,૩૫,૦૦૦નો મુદ્દામાલ કબ્‍જે કર્યો હતો. પુછપરછમાં અનકુએ પોતે આ દારૂ ચોટીલાના ખાટડીના શિવરાજ બહાદુરભાઇ ખાચર પાસેથી લાવ્‍યાનું કબુલતાં તેની શોધખોળ હાથ ધરાઇ છે. પીઆઇ એમ.આર. ગોંડલીયાની રાહબરીમાં પીએસઆઇ એમ. કે. મોવલીયા, એએસઆઇ રણજીતસિંહ પઢારીયા, અશોકભાઇ કલાલ, હેડકોન્‍સ. વિજયરાજસિંહ જાડેજા, સંજયભાઇ દાફડા, કોન્‍સ. રમેશભાઇ, તુલસીભાઇ સહિતે આ કામગીરી કરી હતી.