રાજકોટ તા. ૧૭: જુના માર્કેટ યાર્ડ પાસે માલધારી સોસાયટી શેરી નં. ૨માં રહેતાં વિજયભાઇ ભીમજીભાઇ પાધરીયા (ઉ.વ.૪૫) નામના આધેડે ઘરના ઉપરના માળે એંગલમાં દોરી બાંધી ગળાફાંસો ખાઇ આપઘાત કરી લેતાં પરિવારમાં અરેરાટી વ્‍યાપી ગઇ હતી.

બનાવની જાણ થતાં ૧૦૮ પહોચી હતી. તેના તબિબે કોમલબેને તેમને મૃત જાહેર કરતાં બી-ડિવીઝનના પીએસઆઇ  એમ. એન. પીઠીયાએ જરૂરી કાર્યવાહી કરી મૃતદેહને પોસ્‍ટમોર્ટમ માટે ખસેડયો હતો. આપઘાત કરનાર વિજયભાઇ બે બહેન અને ત્રણ ભાઇમાં વચેટ હતાં. સંતાનમાં આગલા ઘરના પુત્ર-પુત્રી છે. પત્‍નિ અને પુત્રવધુ સાથે કલેશ ચાલતો હોઇ તેના કારણે કંટાળીને પગલુ ભર્યાની શક્‍યતા જણાવાઇ હતી