રાજકોટ,તા. ૨૧: પુષ્‍કરધામ મેઇન રોડ પર આલાપ સોસાયટી સામે ધોધમાર વરસાદ સાથે વીજળી પડતા અમુલ પાર્લરમાં આગ લાગતા ફાયરબ્રિગેડ સ્‍ટાફે સ્‍થળ પર પહોંચી આગ બુઝાવી હતી.

મળતી વિગત મુજબ ગઇ કાલે ભારે વરસાદના કારણે આલાપ સોસાયટીની સામે આવેલ અમુલ પાર્લરમાં વીજળી પડતા આગ લાગતા નાસભાગ મચી ગઇ હતી. બાદ કોઇએ જાણ કરતા ફાયરબ્રિગેડ સ્‍ટાફે બે ફાયરફાયટર સાથે સ્‍થળ પર પહોંચી પાણીનો મારો ચલાવી આગ બુઝાવી હતી. જાણ થતા દુકાનના માલીક હિતેષભાઇ દવે સ્‍થળ પર દોડી આવ્‍યા હતા. આગમાં પાર્લરમાં પડેલા સાત મોટા ફ્રીઝ તેમજ ફર્નિચર તથા ઇલેકટ્રીક વાયરીંગ બળીને ખાક થઇ ગયું હતું. આગમાં અંદાજે રૂા. ૩૦ લાખનું નુકશાન થયુ હોવાનું જાણવા મળ્‍યુ છે.