રેસકોર્ષ રીંગ રોડ અવનવી ૫૦૦ રંગોળીઓથી દિપી ઉઠશે
કાલે રંગોળી સ્પર્ધાઃ પ્રથમ વખત સ્લોગન ગ્રુપ હરિફાઇ : પ્રથમ ૧૧ વિજેતાઓને રૂા. ૫૦૦૦ હજાર અને ૫૧ સ્પર્ધકોને એક હજાર આશ્વાસન ઇનામઃ કાર્યક્રમને આખરી ઓપ : શહેરીજનો રંગોળી મંગળવારના રાત્રે ૧૦ વાગ્યાથી તા. ૩૧નાં સુધી નિહાળી શકશે
રાજકોટ,તા. ૨૮: મહાનગરપાલિકાﾠદ્વારા મિશન સ્માર્ટ સિટી ટ્રસ્ટ-ચિત્રનગરીના સહયોગથી ‘રંગીલુ રાજકોટ દિવાળી ઉત્સવ'અંતર્ગત કાલેﾠતા.૨૯ના બપોર બાદ ૪ કલાકથીﾠરેસકોર્ષ ખાતે ભવ્ય ‘રંગોળી સ્પર્ધા' યોજાશે.‘રંગોળી સ્પર્ધા' ૧) સ્લોગન રંગોળી-૨૫ ૨)ﾠવ્યક્તિગત રંગોળી-૫૦૦ એમ ૨ કેટેગરીમાં રહેશે.આ રંગોળી સ્પર્ધાને આખરી ઓપ આપવા તડામાર તૈયારીઓ થઇ રહી છે.
આ અંગે મેયર શ્રીમતી નયનાબેન પેઢડીયા,ﾠડેપ્યુટી મેયર નરેન્દ્રસિંહ જાડેજા,ﾠસ્ટેન્ડિંગ કમિટી ચેરમેન જયમીન ઠાકર,ﾠમ્યુનિસિપલ કમિશનર ડી.પી.દેસાઈ,ﾠશાસક પક્ષના નેતા લીલુબેન જાદવ,ﾠદંડક મનિષભાઈ રાડીયાﾠઅને સમાજ કલ્યાણ સમિતિ ચેરમેન સુરેન્દ્રસિંહ વાળાﾠજણાવે છે કે,ﾠ‘રંગીલુ રાજકોટ દિવાળી ઉત્સવ' અનુસંધાને આવતીકાલે તા.૨૯ના બપોર બાદ ૪ કલાકથી રેસકોર્ષ રિંગ રોડ ખાતે ‘રંગોળી સ્પર્ધા'અંતર્ગત સ્પર્ધકો રંગોળી તૈયાર કરશે. સ્પર્ધકો દ્વારા તૈયાર કરવામાં આવેલ રંગોળી તા.૨૯નાં રોજ રાત્રે ૧૦ કલાકથી તા.૩૧ સુધી શહેરીજનો નિહાળી શકશે.
રંગોળી સ્પર્ધાની કેટેગરી
આ વર્ષે રાજકોટમાં પ્રથમ વખત સ્લોગન ગ્રુપ રંગોળી રાખવામાં આવેલ છે. જેમાં, સ્પર્ધકે રંગોળી સાથે રાજકોટ વિશે પોઝીટીવ સ્લોગન લખવાનું રહેશે. કુલ ૨૫ રંગોળી સ્લોગન સાથેની રહેશે. જેમાં, પ્રથમ ૫ વિજેતાને રૂ,૫૦૦૦ ઈનામ તરીકે આપવામાં આવશે. આ રંગોળીની સાઇઝ ૫×૧૫ ફૂટ રહેશે. આ ઉપરાંત ૫૦૦ રંગોળી વ્યક્તિગત સ્પર્ધાની રહેશે જેની સાઇઝ ૫×૫ ફૂટ રહેશે. આ સ્પર્ધામાં પ્રથમ ૧૧(અગિયાર)ને રૂ.૫૦૦૦ ઈનામ તરીકે આપવામાં આવશે. આ ઉપરાંત ૫૧ સ્પર્ધકને રૂ.૧૦૦૦ આશ્વાસન ઈનામ આપવામાં આવશે.
સ્પર્ધાના નિર્ણાયકો તરીકે જાણીતા લેખક શ્રી જય વસાવડા, શ્રી શૈલેષભાઈ સગપરીયા, મુકેશભાઇ વ્યાસ,ﾠઆસિતભાઈ ભટ્ટ, ચૈતન્યભાઈ,એમ. યુ. ચૌહાણ, મુકેશભાઇ ડોડીયા, પ્રદીપભાઈ દવે, કિશોરભાઇ કામાણી, નલીનભાઈ સૂચક જયશ્રીબેન રાવલ,રૂપલબેન સોલંકી રહેશે.
આ સ્પર્ધા ને સફળ બનાવવા માટે ચિત્રનગરીના જીતુભાઈ ગોટેચા, મુકેશભાઇ વ્યાસ, હેમાબેન વ્યાસ, જયશ્રીબેન રાવલ, સુરેશભાઇ રાવલ, રશેષભાઈ વ્યાસ, શિવમ અગ્રવાલ, સીમાબેન અગ્રવાલ, દિગીશ વડોદરિયા, ભૂષણ સંપત ,વિશાલભાઈ જોશી, હરદેવસિંહ વાઘેલા, ગૌરવ ખીરૈયા, પરેશભાઈ ધોરાજીયા, સાવન ધોરાજીયા, શ્રેયશભાઈ તન્ના, દિનેશભાઇ પટેલ, રશ્મિ ગોટેચા તથા મૌલિક ગોટેચા મહેનત ઉઠાવી રહ્યા છે.
મહાનગરપાલિકા દ્વારા દિવાળીના તહેવારો અનુસંધાને યોજવામાં આવેલ ‘રંગીલુ રાજકોટ દિવાળી ઉત્સવ' અંતર્ગત આયોજીત ‘રંગોળી સ્પર્ધા' નિહાળવા મેયર શ્રીમતી નયનાબેન પેઢડીયા,ﾠડેપ્યુટી મેયર નરેન્દ્રસિંહ જાડેજા,ﾠસ્ટેન્ડિંગ કમિટી ચેરમેન શ્રી જયમીનભાઈ ઠાકર,ﾠમ્યુનિસિપલ કમિશનરશ્રી ડી.પી.દેસાઈ,ﾠશાસક પક્ષના નેતા શ્રી લીલુબેન જાદવ,ﾠદંડક શ્રી મનીષભાઈ રાડિયા અને સમાજ કલ્યાણ સમિતિ ચેરમેન સુરેન્દ્રસિંહ વાળા રંગીલા રાજકોટવાસીઓને નિમંત્રણ પાઠવે છે.
કાલે વિનામૂલ્યે નિદાન કેમ્પ
‘રંગોળી સ્પર્ધા' દરમ્યાન આવતીકાલે તા.૨૯, મંગળવારના રોજ સાંજે ૫ કલાકથી રાત્રે ૮ કલાક સુધી બી.ટી. સવાણી કિડની હોસ્પીટલના સહયોગથી શહેરીજનોને ડાયાબિટીસ, બ્લડ પ્રેસર, હિમોગ્લોબીનની નિઃશુલ્ક તપાસ મેયર બંગલા સામે, રેસકોર્ષ ખાતે કરી આપવામાં આવનાર છે.
(4:52 PM IST)
