રાજકોટઃ મહાનગરપાલિકાના વોર્ડ નં.૧૮મા  રૂ.૨.૪૮ કરોડના ખર્ચે ઢેબરભાઈ રોડ(નેહરુનગર રોડથી રાજકમલ ફાટક) સુધીના રોડને ડામર રીકાર્પેટ કરવાનું તથા વોર્ડ નં.૧૮માં રૂ.૩૮.૪૯ લાખના ખર્ચે ટીપી સ્‍કીમ નં.૧૩ (કોઠારીયા), ફા. પ્‍લોટ નં.૧૨/૪/સી, ગાર્ડન હેતુના પ્‍લોટમાં કમ્‍પાઉન્‍ડ વોલ બનાવવાનું કામ આમ કુલ રૂ.૨.૮૬ કરોડના કામો આજરોજ સ્‍ટેન્‍ડીંગ કમિટીમાં મંજુર કરવામાં આવેલ છે. આ કામો મંજુર કરવા બદલ વોર્ડ નં.૧૮ના કોર્પોરેટર દક્ષાબેન વાઘેલા, ભારતીબેન પરસાણા, સંજયસિંહ રાણા અને સંદીપભાઈ ગાજીપરા દ્વારા સ્‍ટેન્‍ડિંગ કમિટી ચેરમેન જયમીનભાઈ ઠાકર તથા સ્‍ટેન્‍ડિંગ કમિટીના સભ્‍યોનો આભાર વ્‍યકત કરેલ છે.