રાજકોટ તા.૧૫: કલેકટર કચેરીમાં સિકયુરિટી ગાર્ડ પેટ્રોલ ચોરી કરતો ઝડપાયો હતો.સરકારી કચેરીના ર્પાકિંગમાં પાર્ક કરવામાં આવતા વાહનમાંથી પેટ્રોલની ચોરી કરતા ગુજરાત ઈન્‍ડસ્‍ટ્રીઝ સિકયોરીટી ફોર્સનો જવાન રંગે હાથ ઝડપાયો છે. આ મામલો કલેક્‍ટર સુધી પહોંચ્‍યો હતો.બાદમાં કલેકટર દ્વારા પણ કર્મચારીઓને ખખડાવ્‍યા પણ હતા. ચેતવણી કડક સુચના પણ આપવામાં આવી હતી. પરંતુ પેટ્રોલ ચોરીનો વિડીયો વાયરલ થતા સાથે જ ગુજરાત ઈન્‍ડસ્‍ટ્રીઝ સિકયોરીટી ફોર્સ દ્વારા ગંભીર નોંધ લેવામાં આવી છે અને સાંજ સુધીમાં જ કર્મચારીને સસ્‍પેન્‍ડ કરવામાં આવે તેવૂ સૂત્રોમાંથી બહાર આવ્‍યું છે.સિકયુરિટી સામે આકરા પગલાની સાથે જ કલેકટર ઓફિસમાં ગણગણાટ શરૂ થઈ ગયો છે, મળતી વિગતો મુજબ ગુજરાત ઈન્‍ડસ્‍ટ્રીઝ સિકયોરીટી દ્વારા અનિયમિત પગાર કરવામાં આવતા હોવાના કારણે અને સિકયુરિટીમેન જસદણ અપડાઉન કરતો હતો. પરંતુ પગારની અનિયમીતતાને કારણે પેટ્રોલના રૂપિયા ન હોવાથી ચોરીના રવાડે ચડયો હોવાની ચર્ચા છે.(૨.૨૯)